"باشينسكايانىڭ جازباسىنا بولا داۋ كوتەرىپ، شۋ شىعارعان ۇلتشىلدارعا قاراپ، ولاردىڭ باسىنان ءسوز اسىرمايتىنىن بايقاۋعا بولادى.
يستەريكاعا ۇرىنىپ، دەپۋتاتتى جۇندەي تۇتكەن بۇل توپ تانىم-تۇيسىگىمەن ۇيلەسپەيتىن توسىن پىكىردى قابىلداي المايدى ەكەن. ادەتتە، مۇندايلاردىڭ باسىم كوپشىلىگى جوعارى جاققا دومالاق ارىز جونەلتۋگە بەيىم كەلەدى. ولار ارىز-شاعىمنىڭ ارقاسىندا كۇنەلتەدى"، - دەيدى دانيار اشىمبايەۆ.
ايتا كەتەلىك، الماتى قالاسى ءماسليحاتىنىڭ دەپۋتاتى، «امانات» پارتياسىنىڭ مۇشەسى اننا باشينسكايا ۋكراينا پرەزيدەنتى ۆلاديمير زەلەنسكييگە قىرىمنىڭ ورنىنا تۇركياعا شابۋىل جاساۋدى ۇسىنعان بولاتىن.
«تۇركيا تارتىمدىراق، زەلەنسكيي مىرزا! ول جەردە جىل بويى جىلى»، - دەپ جازعان ەدى باشينسكايا Facebook-تەگى Deutsche Welle پاراقشاسىندا.
ماقالادا زەلەنسكييدىڭ قىرىمدى ۋكرايناعا قايتارۋدى كوزدەيتىن قارىمتا شابۋىلدى جوسپارلاپ وتىرعانى ايتىلعان. پرەزيدەنت Yle ارناسىنا بەرگەن سۇحباتىندا ۋكراينانىڭ مايدانداعى جەتىستىگى باتىستىڭ قارۋ-جاراق تاسىمالىنا بايلانىستى ەكەنىن اتاپ وتكەن. زەلەنسكيي سوعان قاراماستان سوعىس ۇزاق مەرزىمگە، ءتىپتى ونداعان جىلدارعا سوزىلۋى مۇمكىن ەكەنىن ەسكەرتكەن.
سۇحباتتى تىڭداپ شىققان باشينسكايا ۋكراين پرەزيدەنتىن كەكەتىپ، مۇقاتىپ وتكەن. جەلىدەگى جۇرت قازاقستان ازاماتى بولا تۇرا، ونىڭ باسقا ەلدىڭ پرەزيدەنتىن كەمسىتكەنىنە، ودان بۇرىن باسقىنشىلارعا قولداۋ بىلدىرگەنىنە كەيىس بىلدىرگەن.
باسى بالەگە قالعان باشينسكايا ىلە-شالا ەلدەن كەشىرىم سۇراپ: "جازدىم، جاڭىلدىم! اڭداماي سويلەپپىن..."، – دەگەن سارىنداعى جازبا قالدىرعان. الايدا جەلىدەگى جۇرت ونىڭ ءسوزىنىڭ شىنايىلىعىنا سەنبەيدى.
دەپۋتاتتىڭ باۋىرلاس تۇركياعا ءتىل تيگىزۋى تۇرىك ەلشىلىگى تاراپىنان ەلەۋسىز قالماسى انىق.
Dalainside تەلەگرام ارناسى تاراتقان مالىمەت بويىنشا پارتيا باسشىلىعى باشينسكايانىڭ وعاش قىلىعىنان حاباردار. الداعى كۇندەرى وعان قاتىستى شارا قابىلدانادى.
جەلى بەلسەندىسى مەيرام قاناپيانىڭ ايتۋىنشا باشينسكايا الماتىنىڭ ديزاينىمەن اينالىساتىن "لەۋ" اتتى فيرمانىڭ قۇرىلتايشىسى.
بىلتىر باشينسكاياعا تيەسىلى كومپانيا 15 ملرد تەڭگەدەن استام تابىس تاپقان. "قازاقتىڭ اقشاسى كىمنىڭ قالتاسىندا كەتىپ جاتقانىن قاراڭىزدار!"، - دەيدى وسى ورايدا جەلى بەلسەندىسى.
https://dalanews.kz/bas-takyryp/88815-qazaqstan-resey-basqynshylygy-zhayly-a
