Óńir basshysy Elbasynyń Túrkistandy túletýge asa nazar aýdaryp, oǵan respýblikalyq biýdjetten bólek, elimizdiń ózge óńirlerin, ulttyq kompaniialar men biznes ókilderin atsalysýǵa shaqyrǵanyn atap ótti.
Atap aitar bolsam, Jańa ákimshilik-iskerlik ortalyǵynda ákimshilik ǵimaraty, basqarmalara men departamentter úii, drama teatry, kongress-holl, filarmoniia, kitaphana, mádeniet saraiy, 500 oryndyq meshit, sport kesheni, stadion, júzý basseini, Nazarbaev ziiatkerlik mektebi, saiabaqtar, kópqabatty turǵyn úiler, mektepter, bala-baqshalar, kórme ortalyǵy, murajai, opera jáne balet teatry, assambleia ǵimaraty, densaýlyq saqtaý nysandary jáne t.b. áleýmettik-mádeni nysandar qurylystary men olarǵa qajetti infraqurylymdar júrgizýimiz qajet, – dedi J.Túimebaev.
Jańa qarqynmen, jańa kúshpen jumys bastaýǵa qulshynys bildirgen jiynǵa qatysýshylar aimaq basshysyn biraýyzdan qoldady. Halyq qalaýlylarynyń atynan sóz alǵan oblystyq máslihat hatshysy Qairat Balabiev Memleket basshysynyń 26 jyl boiy kásipkerlerge járdem kórsetip kelgenin, endigi kezekte, isker kásipkerlerdiń elge, memleketke qyzmet etetin ýaqyty kelgenin aityp ótti.
Jiynda belgili bolǵandai, jańa oblys ortalyǵy – Túrkistanda belgili kásipker, oblystyq máslihat depýtaty Serikjan Seiitjanov «Rixos» bes juldyzdy qonaq úii siiaqty meimanhana salýdy bastap ketse, túriktiń isker azamaty da bes juldyzdy ekinshi qonaq úidi turǵyzýdyń jobasyn túzip qoiǵan.
Al oblystyq máslihattyń hatshysy, kásipker Qairat Balabiev sport fitnes ortalyǵyn salýdy uiǵaryp qoiǵan. Munan bólek, birqatar isker azamattar ózge de áleýmettik, mádeni nysandardy salýǵa niettenip otyr.
Túrkistan oblysy ákiminiń baspasóz qyzmeti
