Óńir basshysy Elbasynyń Túrkistandy túletýge asa nazar aýdaryp, oǵan respýblıkalyq búdjetten bólek, elimizdiń ózge óńirlerin, ulttyq kompanıalar men bıznes ókilderin atsalysýǵa shaqyrǵanyn atap ótti.
Bolashaqta Qazaqstannyń ǵana emes, búkil Túrki jurtynyń rýhanı-mádenı ortalyǵyna aınalýy tıis Túrkistannyń eski jáne jańa kelbetinen halyq qalaýlylaryna fılm kórsetilip, isker azamattardy shahardy kórkeıtýde túrli áleýmettik nysandar men oıyn-saýyq ortalyqtary syndy halyqqa qajetti ǵımaratty salýǵa shaqyrdy.
– Túrkistan qalasynyń týrısik áleýeti óte joǵary. Ótken jyly 1 mıllıonnan astam týrıs kelgen bolsa aldaǵy ýaqytta olardyń sanyn kóbeıtý kózdelip otyr. Osy maqsatta qalaǵa jańa áýejaı, temir jol vokzaly men avtovokzal, servıstik qyzmet kórsetetin áleýmettik mádenı nysandar salyp, olarǵa qajetti ınjenerlik ınfraqurylymdy júrgizý josparlanýda.
Atap aıtar bolsam, Jańa ákimshilik-iskerlik ortalyǵynda ákimshilik ǵımaraty, basqarmalara men departamentter úıi, drama teatry, kongres-holl, fılarmonıa, kitaphana, mádenıet saraıy, 500 oryndyq meshit, sport kesheni, stadıon, júzý baseıni, Nazarbaev zıatkerlik mektebi, saıabaqtar, kópqabatty turǵyn úıler, mektepter, bala-baqshalar, kórme ortalyǵy, murajaı, opera jáne balet teatry, assambleıa ǵımaraty, densaýlyq saqtaý nysandary jáne t.b. áleýmettik-mádenı nysandar qurylystary men olarǵa qajetti ınfraqurylymdar júrgizýimiz qajet, – dedi J.Túımebaev.
Jańa qarqynmen, jańa kúshpen jumys bastaýǵa qulshynys bildirgen jıynǵa qatysýshylar aımaq basshysyn biraýyzdan qoldady. Halyq qalaýlylarynyń atynan sóz alǵan oblystyq máslıhat hatshysy Qaırat Balabıev Memleket basshysynyń 26 jyl boıy kásipkerlerge járdem kórsetip kelgenin, endigi kezekte, isker kásipkerlerdiń elge, memleketke qyzmet etetin ýaqyty kelgenin aıtyp ótti.
Jıynda belgili bolǵandaı, jańa oblys ortalyǵy – Túrkistanda belgili kásipker, oblystyq máslıhat depýtaty Serikjan Seıitjanov «Rixos» bes juldyzdy qonaq úıi sıaqty meımanhana salýdy bastap ketse, túriktiń isker azamaty da bes juldyzdy ekinshi qonaq úıdi turǵyzýdyń jobasyn túzip qoıǵan.
Al oblystyq máslıhattyń hatshysy, kásipker Qaırat Balabıev sport fıtnes ortalyǵyn salýdy uıǵaryp qoıǵan. Munan bólek, birqatar isker azamattar ózge de áleýmettik, mádenı nysandardy salýǵa nıettenip otyr.
Túrkistan oblysy ákiminiń baspasóz qyzmeti
