Oqıǵa ornynan vıdeo jáne foto Etozhez paraqshasynda jarıalandy. Ulytaý aýdanynyń Baıqońyr aýylynyń ózinde ǵana 300 mal qyrylǵan.
"Zardap shekken aýyldardyń qatarynda: Keregetas, Oıshybar, Qalybaı, Demeýbaı, Sarysaı, Qyzylsaı, Ermek jáne basqalar bar. Aýyl turǵyndary olardyń problemalaryna nazar aýdarýdy, máseleni sheshýdiń yqtımal joldaryn ashyq talqylaýdy suraıdy", - dep jazyldy paraqshada.
Qaraǵandy oblysynyń TJD jaǵdaıǵa qatysty túsinikteme berdi.
Belgili bolǵandaı, 4 shildede Qaraǵandy oblysynyń aýmaǵynda 12 tabıǵı órt oshaǵy baqylaýǵa alyndy, onyń ishinde Ulytaý aýdanynyń aýmaǵynda eki dala órti jáne aldyn ala jalpy aýdany 263 gektar bolatyn 10 jaılaý órtengen.
“Qaraǵandy oblysy, Ulytaý aýdany, Baıqońyr aýyly mańyn”, 1 shildeden bastap órt shaldy. Aýyl turǵyndary 2-3 tehnıkamen (órt sóndirý mashınasy emes, aýyldaǵy júk kólikteri), 10-15 adam bolyp sóndirýge tyrysqanymen dalanyń jelimen órt kúsheıip bet qaratar emes. Myna kúnniń ystyǵynda dala órtin arnaıy tehnıkasyz sóndirý qıynnyń qıyny bolyp tur. Baıqońyr aýyly mańyndaǵy qystaqtarǵa órt baryp, Demeýbaı qystaǵynda qoradaǵy maldar janyp, aýyl adamdary tas úıdiń ústine shyǵyp jandaryn aman alyp qalypty.
Aýyl turǵyndary 9101 nómirine habarlasyp mán jaıdy aıtyp, kómek suraǵan. Ókinishke oraı 2 arnaıy órt kóndirý tehnıkasy ǵana júr. Ol jaqta sý alatyn oryndar joq. Bylaısha aıtqanda dala órtine 2 tehnıka juǵyn da bolmaıdy. Qazirgi tańda jaýyn-shashyn joq, shóp joq ýaqytta bar shóptiń janyp ketkeni aýyl turǵyndarynyń janyna batyp tur", – dep jazdy paraqshada.
Jeksenbi kúni keshke Ulytaý aýdanynyń eki aýyldyq okrýginiń aýmaǵyn baqylaý, aralaý kezinde jergilikti turǵyndar Qoskól aýylynan soltústik-batysqa qaraı 40 shaqyrym jerde órtengen ÝAZ avtokóligin tapty, onyń janynda 1998 jyly týǵan er adamnyń máıiti tabyldy. Kóz jumǵan jas jigi erikti órt quramalarynyń qatarynda bolǵan joq jáne dala órtin sóndirýge tartylmaǵan. Onyń óliminiń sebebin Ulytaý aýdanynyń PB qyzmetkerleri anyqtaıdy.
Al Jangeldın aýyldyq okrýginiń "Ábdibekov" SHQ aýmaǵynan 200 bas usaq mal jáne 10 bas İQM tabyldy.
Tabıǵı órtti joıýǵa barlyǵy 298 adam jáne 77 birlik tehnıka, onyń ishinde órtke qarsy erikti qurylymdar jumyldyryldy.
Jergilikti atqarýshy organ Jangeldın, Aqtasty jáne Amangeldi aýyldyq okrýgteriniń aýmaǵynda jergilikti aýqymdaǵy tótenshe jaǵdaı jarıalaý týraly sheshim qabyldady.
[video width="640" height="800" mp4="https://dalanews.kz/wp-content/uploads/2021/07/214465809_2054164918056421_3457098559336814005_n.mp4"][/video]
