وقيعا ورنىنان ۆيدەو جانە فوتو Etozhez پاراقشاسىندا جاريالاندى. ۇلىتاۋ اۋدانىنىڭ بايقوڭىر اۋىلىنىڭ وزىندە عانا 300 مال قىرىلعان.
"زارداپ شەككەن اۋىلداردىڭ قاتارىندا: كەرەگەتاس، ويشىبار، قالىباي، دەمەۋباي، سارىساي، قىزىلساي، ەرمەك جانە باسقالار بار. اۋىل تۇرعىندارى ولاردىڭ پروبلەمالارىنا نازار اۋدارۋدى، ماسەلەنى شەشۋدىڭ ىقتيمال جولدارىن اشىق تالقىلاۋدى سۇرايدى"، - دەپ جازىلدى پاراقشادا.
قاراعاندى وبلىسىنىڭ تجد جاعدايعا قاتىستى تۇسىنىكتەمە بەردى.
بەلگىلى بولعانداي، 4 شىلدەدە قاراعاندى وبلىسىنىڭ اۋماعىندا 12 تابيعي ءورت وشاعى باقىلاۋعا الىندى، ونىڭ ىشىندە ۇلىتاۋ اۋدانىنىڭ اۋماعىندا ەكى دالا ءورتى جانە الدىن الا جالپى اۋدانى 263 گەكتار بولاتىن 10 جايلاۋ ورتەنگەن.
“قاراعاندى وبلىسى، ۇلىتاۋ اۋدانى، بايقوڭىر اۋىلى ماڭىن”، 1 شىلدەدەن باستاپ ءورت شالدى. اۋىل تۇرعىندارى 2-3 تەحنيكامەن (ءورت ءسوندىرۋ ماشيناسى ەمەس، اۋىلداعى جۇك كولىكتەرى)، 10-15 ادام بولىپ سوندىرۋگە تىرىسقانىمەن دالانىڭ جەلىمەن ءورت كۇشەيىپ بەت قاراتار ەمەس. مىنا كۇننىڭ ىستىعىندا دالا ءورتىن ارنايى تەحنيكاسىز ءسوندىرۋ قيىننىڭ قيىنى بولىپ تۇر. بايقوڭىر اۋىلى ماڭىنداعى قىستاقتارعا ءورت بارىپ، دەمەۋباي قىستاعىندا قوراداعى مالدار جانىپ، اۋىل ادامدارى تاس ءۇيدىڭ ۇستىنە شىعىپ جاندارىن امان الىپ قالىپتى.
اۋىل تۇرعىندارى 9101 نومىرىنە حابارلاسىپ ءمان جايدى ايتىپ، كومەك سۇراعان. وكىنىشكە وراي 2 ارنايى ءورت كوندىرۋ تەحنيكاسى عانا ءجۇر. ول جاقتا سۋ الاتىن ورىندار جوق. بىلايشا ايتقاندا دالا ورتىنە 2 تەحنيكا جۇعىن دا بولمايدى. قازىرگى تاڭدا جاۋىن-شاشىن جوق، ءشوپ جوق ۋاقىتتا بار ءشوپتىڭ جانىپ كەتكەنى اۋىل تۇرعىندارىنىڭ جانىنا باتىپ تۇر"، – دەپ جازدى پاراقشادا.
جەكسەنبى كۇنى كەشكە ۇلىتاۋ اۋدانىنىڭ ەكى اۋىلدىق وكرۋگىنىڭ اۋماعىن باقىلاۋ، ارالاۋ كەزىندە جەرگىلىكتى تۇرعىندار قوسكول اۋىلىنان سولتۇستىك-باتىسقا قاراي 40 شاقىرىم جەردە ورتەنگەن ۋاز اۆتوكولىگىن تاپتى، ونىڭ جانىندا 1998 جىلى تۋعان ەر ادامنىڭ ءمايىتى تابىلدى. كوز جۇمعان جاس جىگى ەرىكتى ءورت قۇرامالارىنىڭ قاتارىندا بولعان جوق جانە دالا ءورتىن سوندىرۋگە تارتىلماعان. ونىڭ ءولىمىنىڭ سەبەبىن ۇلىتاۋ اۋدانىنىڭ پب قىزمەتكەرلەرى انىقتايدى.
ال جانگەلدين اۋىلدىق وكرۋگىنىڭ "ابدىبەكوۆ" شق اۋماعىنان 200 باس ۇساق مال جانە 10 باس ءىقم تابىلدى.
تابيعي ءورتتى جويۋعا بارلىعى 298 ادام جانە 77 بىرلىك تەحنيكا، ونىڭ ىشىندە ورتكە قارسى ەرىكتى قۇرىلىمدار جۇمىلدىرىلدى.
جەرگىلىكتى اتقارۋشى ورگان جانگەلدين، اقتاستى جانە امانگەلدى اۋىلدىق وكرۋگتەرىنىڭ اۋماعىندا جەرگىلىكتى اۋقىمداعى توتەنشە جاعداي جاريالاۋ تۋرالى شەشىم قابىلدادى.
[video width="640" height="800" mp4="https://dalanews.kz/wp-content/uploads/2021/07/214465809_2054164918056421_3457098559336814005_n.mp4"][/video]
