Ulytaý oblysynyń Jańaarqa aýdany Qaraaǵash ormanshylyǵynda 2025 jylǵa deıin 18 mıllıon túp aǵash otyrǵyzý josparlanýda, – dep habarlaıdy Dalanews.kz Ulytaý oblysy ákiminiń baspasóz qyzmetine silteme jasap.
Bıyl bastalǵan aǵash egý jumysy aıasynda Qaraaǵash sharýashylyǵynda 1,7 mılııon túp aǵash otyrǵyzý kózdelip otyr.
Jalpy oblys turǵyndary «Taza Qazaqstan» respýblıkalyq ekologıalyq aksıasynyń «Jasyl aımaq» aptalyǵyna belsendi qatysýda. Oblystyń qala, aýdandarynda eńbek ujymdary, qoǵamdyq uıymdar men dinı birlestikter ókilderi jappaı aǵash otyrǵyzýda. 24 sáýirde aksıa aıasynda Jezqazǵan qalasynyń jastary «Naýryz» saıabaǵyna 100 túp terek otyrǵyzdy.
Oblys ortalyǵynda ótken aksıanyń maqsaty – qala turǵyndaryn qalany taza ustaýǵa, jastardy eńbekke jumyldyrý arqyly, qalany taza ári jasyl qalaǵa aınaldyrýǵa shaqyrý.
«Qalamyzdyń kógaldanyp, abattanýy úshin ótkizilip jatqan aksıaǵa turǵyndardy belsendi atsalysýǵa shaqyramyn. Sonymen qatar aǵashtardy syndyrmaýǵa, kútip-baptaýǵa, qoldaryńyzdan kelgenshe úılerińizdiń aldyna aǵash otyrǵyzyp, olardy sýaryp turýǵa keńes beremin!» deıdi Ulttyq volonterlar jelisi Ulytaý oblystyq fılıalynyń jetekshisi Daryn Tóleýbaı.
Aksıaǵa oblystyń Jańaarqa aýdany da belsendi qatysyp, onda búgin 200 túp aǵash otyrǵyzyldy.
Atap óteıik, 27 sáýirde ótetin senbilikte oblys ortalyǵynda taǵy 9 myń túp aǵash otyrǵyzý josparlanýda.
