ۇلىتاۋ وبلىسىنىڭ جاڭاارقا اۋدانى قارااعاش ورمانشىلىعىندا 2025 جىلعا دەيٸن 18 ميلليون تٷپ اعاش وتىرعىزۋ جوسپارلانۋدا, – دەپ حابارلايدى Dalanews.kz ۇلىتاۋ وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
بيىل باستالعان اعاش ەگۋ جۇمىسى اياسىندا قارااعاش شارۋاشىلىعىندا 1,7 ميلييون تٷپ اعاش وتىرعىزۋ كٶزدەلٸپ وتىر.
جالپى وبلىس تۇرعىندارى «تازا قازاقستان» رەسپۋبليكالىق ەكولوگييالىق اكتسيياسىنىڭ «جاسىل ايماق» اپتالىعىنا بەلسەندٸ قاتىسۋدا. وبلىستىڭ قالا, اۋداندارىندا ەڭبەك ۇجىمدارى, قوعامدىق ۇيىمدار مەن دٸني بٸرلەستٸكتەر ٶكٸلدەرٸ جاپپاي اعاش وتىرعىزۋدا. 24 سەۋٸردە اكتسييا اياسىندا جەزقازعان قالاسىنىڭ جاستارى «ناۋرىز» ساياباعىنا 100 تٷپ تەرەك وتىرعىزدى.
وبلىس ورتالىعىندا ٶتكەن اكتسييانىڭ ماقساتى – قالا تۇرعىندارىن قالانى تازا ۇستاۋعا, جاستاردى ەڭبەككە جۇمىلدىرۋ ارقىلى, قالانى تازا ەرٸ جاسىل قالاعا اينالدىرۋعا شاقىرۋ.
«قالامىزدىڭ كٶگالدانىپ, اباتتانۋى ٷشٸن ٶتكٸزٸلٸپ جاتقان اكتسيياعا تۇرعىنداردى بەلسەندٸ اتسالىسۋعا شاقىرامىن. سونىمەن قاتار اعاشتاردى سىندىرماۋعا, كٷتٸپ-باپتاۋعا, قولدارىڭىزدان كەلگەنشە ٷيلەرٸڭٸزدٸڭ الدىنا اعاش وتىرعىزىپ, ولاردى سۋارىپ تۇرۋعا كەڭەس بەرەمٸن!» دەيدٸ ۇلتتىق ۆولونتەرلار جەلٸسٸ ۇلىتاۋ وبلىستىق فيليالىنىڭ جەتەكشٸسٸ دارىن تٶلەۋباي.
اكتسيياعا وبلىستىڭ جاڭاارقا اۋدانى دا بەلسەندٸ قاتىسىپ, وندا بٷگٸن 200 تٷپ اعاش وتىرعىزىلدى.
اتاپ ٶتەيٸك, 27 سەۋٸردە ٶتەتٸن سەنبٸلٸكتە وبلىس ورتالىعىندا تاعى 9 مىڭ تٷپ اعاش وتىرعىزۋ جوسپارلانۋدا.
