Nur-Sultan qalasy ákimdiginiń Tilderdi damytý jáne arhiv isi basqarmasy, «Rýhaniiat» kommýnaldyq memlekettik mekemesi 31 qazan kúni saǵat 16:00-de Oqýshylar saraiynda «Rýhani jańǵyrý» baǵdarlamasy aiasynda, Alash qairatkerleri, ult aǵartýshylary Sultanbek Qojanuly, Hairetdin Bolǵanbai, Asylbek Seiit, Teljan Shonanulynyń 125 jyldyǵyna arnalǵan «Ulylyqqa taǵzym» tarihi-tanymdyq is-sharasyn ótkizedi.
Sharanyń maqsaty ult muraty jolynda ólsheýsiz eńbek etken Alash ardaqtylary hám tarihi iri tulǵalardyń esimin, eńbegin ulyqtaý, sol arqyly jas urpaqty ultyn, tilin, tarihyn qurmetteýge tárbieleý, tanym kókjiegin keńeitý.
Ulylardyń qairatkerligin, muralaryn kópshilik qaýymǵa nasihattaý Elorda jastarynyń bilimin shyńdaý ári rýhani qýatyn arttyratyn bolady.
Tarihi-tanymdyq is-shara barysynda Alashtyń aiaýly azamattary týraly beinesiýjetter kórsetiledi, ult tulǵalaryn, tarihi jolyn zertteýshi ǵalymdar oi-pikirlerin ortaǵa salady, teatrlandyrylǵan baǵdarlama usynylmaqshy.
Sondai-aq, qairatkerlerdiń urpaqtary, týysqandary atalǵan sharaǵa arnaiy shaqyrylǵan.
