Bul týraly OQK-da ótken brifingide ShQO ákimi Danial Ahmetov aitty.
"Memleket basshysynyń "Abaidyń 175 jyldyǵyn merekeleý týraly" Jarlyǵyn júzege asyrý úshin arnaiy tujyrymdama jáne aimaqtyq is-sharalar jospary ázirlendi. Uly ustazdyń toiyn oidaǵydai ótkizý jóninde jumys komissiiasy quryldy. Komissiia quramyna ártúrli qyzmet salasynyń ókilderi – tarihshylar men ádebiettanýshylar, qoǵam qairatkerleri men jýrnalister kirdi», - dedi ShQO ákimi Danial Ahmetov.
Ákimniń aitýynsha, keshendi josparǵa kirgen is-sharalardyń basty maqsaty – Abaidyń murasyn dáripteý, onyń shyǵarmashylyq oilaryn jan-jaqty ashý jáne muny álemge pash etý.
«Abai jyly aiasynda bas-aiaǵy 560 shara ótkizemiz. Budan bólek kelesi jyly Kembridj ýniversitetiniń "Fitzwilliam" mýzeiinde aýqymdy "Uly dala altyny" atty kórmesin uiymdastyramyz.
Ol kórmeniń bir bóligi – Abaidyń murasy men shyǵarmalaryna arnalmaq. Kórme kúnderi kelesi jyldyń maýsym aiynan bastap tamyzǵa deiin sozylady. Osylaisha aǵylshyndar men mýzei qonaqtary Uly dalanyń tarihymen tanysady», - dedi Ahmetov.
