Uly dala ósirgen Uly danalardyń urpaǵymyz
Ulan baitaq ólkeniń órkenietin óristetip, tarihyn ulyqtaý keýdesinde «qazaq» degen rýhy bar árbirimizdiń mindetimiz ekenin taǵy bir eske saldy. Mundaǵy naqtylap aitylǵan oilar, «Qanmen sińgendi qasiettemeseń, qadiriń bolmaidy» degen Dinmuhamed Qonaev atamyzdyń sózin jalǵap tur.
Barlyq ýaqytta da, tarihty bilmei bolashaqty baǵdarlaý múmkin emes. Keń baitaq dalanyń tórinde erkelep ósken danalarymyzdyń dara jolyn ulyqtaý, tarihy tereń halyqtyń tamyry keń jaiylatynyn dáleldeidi.
Uly dalanyń jeti qyryn jiktei otyryp, Tarihi sanany jańǵyrtýda atqarylý kerek isterdi naqtylap kórsetkeni álem elderi aldyndaǵy statýsymyzdyń taǵy da kóterilýine sebepshi bolyp otyr. Nursultan Ábishuly bir sózinde: «Esterińde bolsyn, tarihta qazaqty eshkim eshýaqytta jaýlap alǵan joq. Jaýlap alǵysy kelgender el ishine iritki saldy» dep danalardyń urpaǵy ekenimizge dáldep aitqan edi. Rasmen de, «Bizdiń arǵy bergi tarihymyzda biz uialatyn eshnárse joq».
Jalpy, Elbasynyń joldaýlary men maqalalary el tarihy men bolashaǵyn únemi ushtastyryp otyratyndyǵyna kýámiz. Tek aýyzsha aitylyp, qaǵazǵa jazylyp emes, «ULY» istermen dáleldep otyrady.
El basyna kún týǵanda «qasietti ólkeni qorǵaý urpaq aldyndaǵy boryshymyz» dep, etikpen qan keshken batyrlarymyzdy ulyqtaý, keleshek aldynda óz abyroiymyzdy saqtaý. Óitkeni, «Búgingi kún – keshegi kúnniń shákirti, erteńgi kúnniń ustazy». Tarihymyzda betimizge tańba bolyp basylatyn emes, tasqa qashalatyn oqiǵalarymyz kóp. Sol qasiettiliktiń otyn óshirmei, óskeleń urpaqtyń sanasyna «asyldyń synyǵy» ekendigimizdi jetkize bilsek, bizdiń eń úlken jetistigimiz de sol.
Alýa Tursynhan, Qoja Ahmet Iasaýi atyndaǵy Halyqaralyq qazaq-túrik ýniversitetiniń 3 kýrs stýdenti.
