Asa joǵary mártebeli elbasy, bek qurmetti Nursultan Ábishuly!
Qaitalanbas talanty men qajyrly eńbegi arqyly Eliniń maqtanyshy men ultynyń uiatyna ainalǵan tulǵadar bolady. Solardyń biri Qazaq eli úshin, Alash jurty úshin Tuńǵyshbai Jamanqulov desek, esh artyq aitqandyq emes! "Tuńǵyshbai tutqyndaldy" degen sózdi estigeli keńirdegime tas keptelgendei, qatty mazasyz kúi keshýdemin.... Ne bop baramyz? Jaqsylardy qorlaý, tabanǵa taptaý bir túrli "moda" bolyp bara jatqan joq pa?!
Istiń aq-qarasynan habarymyz joq ekeni shyn. Zań aldynda bar adamnyń qaq-quqy birdei ekenin de bilemiz. Degenmen, Tuńǵyshbai sekildi ult rýhaniiatynyń sardary, qaitalanbas daryn iesine duspandary, baqtalastary jala jaýyp nemese qaqpan qurǵan bolýy da bek múmkin ǵoi... Osyǵan bailanysty Uly akterge, Onyń urpaq aldyndaǵy abyroiy men amandyǵyna degen alań kóńilmen Ózińizden arasha suraimyn!
P.S.Tuńǵyshbai Jamanqulov meniń týysym da, jerlesim de, tipti tanysym da emes... Biraq "Tuńǵyshbai tutqyndady" degen sóz Qazaq Eli úshin namys!
Sizge degen zor qurmet, úlken senimmen, Dúken Másimhanuly.
