اسا جوعارى مارتەبەلى ەلباسى، بەك قۇرمەتتى نۇرسۇلتان ءاءبىش ۇلى!
قايتالانباس تالانتى مەن قاجىرلى ەڭبەگى ارقىلى ەلىنىڭ ماقتانىشى مەن ۇلتىنىڭ ۇياتىنا اينالعان تۇلعادار بولادى. سولاردىڭ ءبىرى قازاق ەلى ءۇشىن، الاش جۇرتى ءۇشىن تۇڭعىشباي جامانقۇلوۆ دەسەك، ەش ارتىق ايتقاندىق ەمەس! "تۇڭعىشباي تۇتقىندالدى" دەگەن ءسوزدى ەستىگەلى كەڭىردەگىمە تاس كەپتەلگەندەي، قاتتى مازاسىز كۇي كەشۋدەمىن.... نە بوپ بارامىز؟ جاقسىلاردى قورلاۋ، تابانعا تاپتاۋ ءبىر ءتۇرلى "مودا" بولىپ بارا جاتقان جوق پا؟!
ءىستىڭ اق-قاراسىنان حابارىمىز جوق ەكەنى شىن. زاڭ الدىندا بار ادامنىڭ قاق-قۇقى بىردەي ەكەنىن دە بىلەمىز. دەگەنمەن، تۇڭعىشباي سەكىلدى ۇلت رۋحانياتىنىڭ ساردارى، قايتالانباس دارىن يەسىنە دۇسپاندارى، باقتالاستارى جالا جاۋىپ نەمەسە قاقپان قۇرعان بولۋى دا بەك مۇمكىن عوي... وسىعان بايلانىستى ۇلى اكتەرگە، ونىڭ ۇرپاق الدىنداعى ابىرويى مەن اماندىعىنا دەگەن الاڭ كوڭىلمەن وزىڭىزدەن اراشا سۇرايمىن!
P.S.تۇڭعىشباي جامانقۇلوۆ مەنىڭ تۋىسىم دا، جەرلەسىم دە، ءتىپتى تانىسىم دا ەمەس... ءبىراق "تۇڭعىشباي تۇتقىندادى" دەگەن ءسوز قازاق ەلى ءۇشىن نامىس!
سىزگە دەگەن زور قۇرمەت، ۇلكەن سەنىممەن، دۇكەن ءماسىمحان ۇلى.
