Uly Abaıdyń týǵan kúnine oraılastyrylǵan shara Abaı atyn ıemdengen qara shańyraqtyń bas ǵımaratynyń aldyndaǵy Hákim eskertkishine gúl shoǵyn qoıý rásimimen bastalyp, «Abaıtaný» murajaıynda ǵulama aqynnyń rýhyna taǵzym jasaldy. Odan ári shara «Abaı – dana, Abaı – dara» atty keńeıtilgen dóńgelek ústelge ulasty. Dóńgelek ústel jumysyn ýnıversıtetimizdiń Tárbıe isi jónindegi prorektory Janatbek İshpekbaev ashyp, sóz kezegin «Hákim Abaı» ǵylymı-zertteý ortalyǵynyń dırektory Jabal Shoıynbetke berdi. Abaı álemin tereńinen zerttep, zerdelep júrgen ǵalym-ustaz óz sózinde jýyrda ǵana Abaıdyń «Jıdebaı-Bórili» memlekettik qoryq-mýzeıine jasaǵan saıahaty barysynda alǵan áserimen bólisip, áli de bolsa zerttelýdi qajet etetin tarıhı jádigerler men ádebı qundylyqtar týraly mazmundy áńgime órbitti.
Óz kezeginde ýnıversıtetimizdiń belsendi jastary Hákimniń muralaryn nasıhattaý maqsatynda qara shańyraǵymyzda atqarylyp jatqan taǵlymy men tálimi mol ıgi sharalarǵa toqtala kele, uly aqynnyń murasyn aýqymy keń jobalar arqyly dúnıejúzine tanytý boıynsha usynystaryn bildirdi.
Shara qorytyndysynda belsendi jastarymyz ýnıversıtetimizdiń qurylymdyq bólimshelerinde «Abaıdy oqy, tańyrqa...» atty aksıasyn ótkizip, «Abaı aıtady...» atty aqparatty kitapshalaryn taratty.
Qazyna Bekbenbetova
