Ýkrainanyń Qazaqstandaǵy jańa elshisi taǵaiyndaldy. Bul qyzmetke buryn Túrikmenstanda elshi bolǵan Viktor Maiko kiristi, – dep habarlaidy Dalanews.kz.
"Viktor Anatolevich Maiko Ýkraina Respýblikasynyń Qazaqstan Respýblikasyndaǵy tótenshe jáne ókiletti elshisi bolyp taǵaiyndaldy", - dep jazylǵan jarlyqta.
Ýkraina elshisi laýazymy 2022 jylǵy qazannan beri bos turǵan edi. Buǵan deiin burynǵy elshi Petr Vrýblevskii qyzmetinen ketken bolatyn.
Viktor Maiko 1960 jyly Dnepropetrovsk qalasynda dúniege kelgen. Kievtegi Taras Shevchenko atyndaǵy ýniversitetti jýrnalistika mamandyǵy boiynsha bitirgen.
Oqýdan keiin jýrnalist, Ulybritaniiadaǵy Ýkraina elshiliginiń múshesi, Ýkraina Syrtqy ister ministriniń orynbasary bolyp jumys istegen.
2005-2010 jyldary Ýkraina Respýblikasynyń Túrikmenstandaǵy elshisi qyzmetin atqarǵan.
2010-2014 jyldary Ýkraina SIM orynbasary bolǵan.
2014-2020 jyldary Ýkraina SIM keńesshisi bolǵan.
2020 jylǵy jeltoqsanda Ýkraina Respýblikasynyń Túrikmenstandaǵy tótenshe jáne ókiletti elshisi bolyp taǵaiyndaldy.
