ۋكراينانىڭ قازاقستانداعى جاڭا ەلشىسى تاعايىندالدى. بۇل قىزمەتكە بۇرىن تۇرىكمەنستاندا ەلشى بولعان ۆيكتور مايكو كىرىستى، – دەپ حابارلايدى Dalanews.kz.
"ۆيكتور اناتوليەۆيچ مايكو ۋكراينا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى"، - دەپ جازىلعان جارلىقتا.
ۋكراينا ەلشىسى لاۋازىمى 2022 جىلعى قازاننان بەرى بوس تۇرعان ەدى. بۇعان دەيىن بۇرىنعى ەلشى پەتر ۆرۋبليەۆسكيي قىزمەتىنەن كەتكەن بولاتىن.
ۆيكتور مايكو 1960 جىلى دنەپروپەتروۆسك قالاسىندا دۇنيەگە كەلگەن. كييەۆتەگى تاراس شيەۆچەنكو اتىنداعى ۋنيۆەرسيتەتتى جۋرناليستيكا ماماندىعى بويىنشا بىتىرگەن.
وقۋدان كەيىن جۋرناليست، ۇلىبريتانياداعى ۋكراينا ەلشىلىگىنىڭ مۇشەسى، ۋكراينا سىرتقى ىستەر ءمينيسترىنىڭ ورىنباسارى بولىپ جۇمىس ىستەگەن.
2005-2010 جىلدارى ۋكراينا رەسپۋبليكاسىنىڭ تۇرىكمەنستانداعى ەلشىسى قىزمەتىن اتقارعان.
2010-2014 جىلدارى ۋكراينا ءسىم ورىنباسارى بولعان.
2014-2020 جىلدارى ۋكراينا ءسىم كەڭەسشىسى بولعان.
2020 جىلعى جەلتوقساندا ۋكراينا رەسپۋبليكاسىنىڭ تۇرىكمەنستانداعى توتەنشە جانە وكىلەتتى ەلشىسى بولىپ تاعايىندالدى.
