Ýkraina Qaýipsizdik qyzmetiniń burynǵy qyzmetkeri, áskeri sarapshy Ivan Stýpak 9 mamyr kúni Máskeýde ótetin Jeńis kúni paradyna qatysty pikir bildirdi, dep habarlaidy Dalanews.kz ÝNIAN agenttigine siltep.
Sarapshynyń aitýynsha, Kiev tarapy Qyzyl alańǵa shabýyl jasaýdy josparlamaidy. Sebebi sharaǵa Resei elitasymen qatar, shetelden kelgen qonaqtar da qatysady.
«Qyzyl alańda Reseidiń bilik elitasy otyrady, biraq olardyń arasynda sheteldik qonaqtar da bolady. Al biz bir nárseni naqty aitamyz – Ýkraina Qazaqstan prezidentine, Qytai basshysyna nemese Robert Fitsoǵa ziian keltirýdi múlde qalamaidy. Sondyqtan Ýkraina tarapy bul sharaǵa eshqandai zymyran nemese dron ushyrmaidy», – deidi Stýpak.
Onyń oiynsha, Pýtinniń basty qaýpi – merekeniń shyrqyn buzatyn kez kelgen tótenshe jaǵdaidyń bolýy. Sol sebepti Resei prezidenti 8-10 mamyr aralyǵynda ýaqytsha bitim jariialady.
«Pýtin kóptegen sheteldik qonaqtardy shaqyrdy. Elestetińizshi, Qyzyl alańda saltanatty parad ótip jatyr, búkil álem transliatsiiany onlain kórip otyr. Dál sol kezde Máskeýde áýe dabyly oinap, qalanyń shet jaǵynda "Pantsir" kesheni iske qosylyp, jarylystar bolyp jatsa ne bolady? Ol jarylys Qyzyl alańnan qanshalyqty alys bolsa da, merekeniń shyrqyn buzady. Pýtinniń eń qatty qorqatyny – osy», – deidi sarapshy.
Eske salsaq, buǵan deiin Ýkrainanyń burynǵy depýtaty Igor Lapin Máskeýdegi Qyzyl alań men Jeńis kúnindegi sharany ýkrain áskeri úshin «zańdy nysana» retinde sipattaǵan edi. Alaida bul málimdemege keiinnen prezident Vladimir Zelenskii túsinikteme bergen bolatyn.
9 mamyr kúni Máskeýde ótetin Jeńis paradyna Reseidiń joǵary laýazymdy tulǵalarynan bólek, TMD elderi men basqa memleketterdiń basshylary qatysady dep kútilýde. Biyl shara Uly Otan soǵysynyń aiaqtalýyna 80 jyl tolýyna orai ótkizilmek.
