Búgin Ystambulda 2022 jylǵy naýryzdan bastap Resei men Ýkraina arasyndaǵy alǵashqy tikelei kelissóz josparlanyp otyr, dep habarlaidy Dalanews.kz.
Reseilik kelissóz tarapy 15 mamyrda tańerteń Ystambulǵa jetti. Delegatsiiany Resei Federatsiiasy prezidentiniń kómekshisi Vladimir Medinskii bastap keldi.
Dmitrii Peskovtyń sózinshe, Resei delegatsiiasy tańerteńnen beri Ýkraina delegatsiiasyn kútip otyr. Al Vladimir Zelenskii Vladimir Pýtinmen tikelei kezdeskisi keletinin taǵy bir ret málimdedi.
Oǵan qosa Ýkraina Resei tarapymen kelissózde tek bir taqyrypty talqylaitynyn málimdedi: 30 kúndik bitim.
Qazir Ankarada Zelenskii men Erdoǵannyń kezdesýi ótip jatyr. Ystambulǵa AQSh delegatsiiasy da keldi.
Ýkraina prezidenti Vladimir Zelenskii buǵan deiin Túrkiia prezidenti Rejep Taiyp Erdoǵanmen Ankarada kezdesý týraly kelisim jasaǵanyn aitqan edi. Eger Vladimir Pýtin Túrkiia astanasyna barýdan bas tartyp, Ystambuldy tańdasa, onda Zelenskii men Erdoǵan da sol jaqqa barýǵa daiyn ekenin málimdedi.
"Biz Pýtinmen kezdesý úshin barlyǵyn jasaimyz. Atysty toqtatý týraly sheshimdi ol ǵana qabyldai alady", – dedi Ýkraina basshysy.
BAQ málimetinshe, Resei men Ýkraina arasyndaǵy kelissózderge AQSh memlekettik hatshysy Marko Rýbio da qatysady. Bul týraly Donald Tramp Saýd Arabiiasyndaǵy investitsiialyq forýmda aitty. AQSh prezidenti kelissózderden "óte jaqsy nátijeler" kútetinin de jetkizgen edi.
