Reseidiń Qazaqstanmen shekaralas Orsk qalasy drondar shabýylyna ushyrady, dep habarlaidy Dalanews.kz.
Jergilikti biliktiń málimetinshe, shabýyldyń maqsaty óndiristik nysan bolǵan. Reseilik telegram-arnalarda onyń «Orsknefteorgsintez» munai óńdeý zaýyty ekeni jazyldy. Qala aýmaǵynda keminde eki dron qulaǵany habarlandy.
Orynbor oblysynyń gýbernatorynyń aitýynsha, shabýyldan zardap shekkender joq, zaýyt jumysy da toqtaǵan joq. Oqiǵa ornynda tótenshe qyzmet ókilderi men Qorǵanys ministrligi jumys istep jatyr. Qalada áýe dabyly jariialanyp, turǵyndarǵa kóshege shyqpaý eskertildi.
Reseilik resmi tulǵalardyń aitýynsha, Orsk qalasy Ýkraina shekarasynan shamamen 1400 shaqyrym qashyqta ornalasqan.
