رەسەيدىڭ قازاقستانمەن شەكارالاس ورسك قالاسى دروندار شابۋىلىنا ۇشىرادى، دەپ حابارلايدى Dalanews.kz.
جەرگىلىكتى بيلىكتىڭ مالىمەتىنشە، شابۋىلدىڭ ماقساتى وندىرىستىك نىسان بولعان. رەسەيلىك تەلەگرام-ارنالاردا ونىڭ «ورسكنەفتەورگسينتەز» مۇناي وڭدەۋ زاۋىتى ەكەنى جازىلدى. قالا اۋماعىندا كەمىندە ەكى درون قۇلاعانى حابارلاندى.
ورىنبور وبلىسىنىڭ گۋبەرناتورىنىڭ ايتۋىنشا، شابۋىلدان زارداپ شەككەندەر جوق، زاۋىت جۇمىسى دا توقتاعان جوق. وقيعا ورنىندا توتەنشە قىزمەت وكىلدەرى مەن قورعانىس مينيسترلىگى جۇمىس ىستەپ جاتىر. قالادا اۋە دابىلى جاريالانىپ، تۇرعىندارعا كوشەگە شىقپاۋ ەسكەرتىلدى.
رەسەيلىك رەسمي تۇلعالاردىڭ ايتۋىنشا، ورسك قالاسى ۋكراينا شەكاراسىنان شامامەن 1400 شاقىرىم قاشىقتا ورنالاسقان.
