Iran Syrtqy ister ministrligi Ýkraina tarapy Iran kemesine jasalǵan shabýyldyń kezdeisoq bolǵanyn jáne Kievtiń jaǵdaidy ýshyqtyrýdy kózdemeitinin jetkizgenin málimdedi, dep habarlaidy dalanews.kz.
Vedomstvonyń habarlaýynsha, Ýkraina Syrtqy ister ministri irandyq áriptesin bul oqiǵanyń ádeii jasalmaǵanyna jáne Ýkrainanyń qaqtyǵysty ýshyqtyrý nieti joq ekenine sendirgen.
Sonymen qatar Iran da jaǵdaidy shielenistirýge múddeli emes ekenin atap ótti. Alaida Tegeran óz azamattaryna nemese ulttyq múddelerine qarsy jasalǵan kez kelgen áreketke jol berilmeitinin jáne keltirilgen shyǵynnyń ótelýi tiis ekenin málimdedi.
Eske salaiyq, buǵan deiin Iran SIM Kievtiń áreketterine qatysty qatań málimdeme jasap, «Kievtegi bul áreket jaýapsyz qalmaidy» degen bolatyn.
