Shymkentte ákim orynbasary Rýslan Berdenovke qastandyq jasaǵan Ernar Jiembaiǵa sot úkimi shyqty, dep habarlaidy Dalanews.kz.
"KTK" arnasy málimetinshe, "Adam óltirýge oqtalý" babymen sottalǵan er adam úkimmen kelispeidi.
"Úkimmen kelispeimin. Óltirý nietim bolmaǵan. Rýslan Arysbekulynyń "meni óltirmek boldyń" dep qorqynyshtan aitqan sandyraǵy dep oilaimyn. Ózderińiz videodan kórgenińizdei, men óltirer bolsam, ol kisini qashtyrmas edim", - deidi Ernar Jiembai.
Ákimdik mańyndaǵy atys týraly
21 sáýirde Shymkent qalasy ákimdigi ǵimaraty mańynda atys boldy. Saldarynan Rýslan Berdenov jaraqat aldy. Artynsha kúdikti ustalyp, ýaqytsha ustaý izoliatoryna qamaldy, bul derek boiynsha qylmystyq is qozǵaldy.
Bul is boiynsha basty kúdikti Ernar Jiembai boldy. Buǵan deiingi ashyq formatta ótken aldyn ala tyńdaý kezinde sýdia Jiembaidyń sot protsesi barysynda ózin túsirýge qarsy ekenin jetkizdi.
