شىمكەنتتە ەكٸم ورىنباسارى رۋسلان بەردەنوۆكە قاستاندىق جاساعان ەرنار جيەمبايعا سوت ٷكٸمٸ شىقتى, دەپ حابارلايدى Dalanews.kz.
"كتك" ارناسى مەلٸمەتٸنشە, "ادام ٶلتٸرۋگە وقتالۋ" بابىمەن سوتتالعان ەر ادام ٷكٸممەن كەلٸسپەيدٸ.
"ٷكٸممەن كەلٸسپەيمٸن. ٶلتٸرۋ نيەتٸم بولماعان. رۋسلان ارىسبەكۇلىنىڭ "مەنٸ ٶلتٸرمەك بولدىڭ" دەپ قورقىنىشتان ايتقان ساندىراعى دەپ ويلايمىن. ٶزدەرٸڭٸز ۆيدەودان كٶرگەنٸڭٸزدەي, مەن ٶلتٸرەر بولسام, ول كٸسٸنٸ قاشتىرماس ەدٸم", - دەيدٸ ەرنار جيەمباي.
ەكٸمدٸك ماڭىنداعى اتىس تۋرالى
21 سەۋٸردە شىمكەنت قالاسى ەكٸمدٸگٸ عيماراتى ماڭىندا اتىس بولدى. سالدارىنان رۋسلان بەردەنوۆ جاراقات الدى. ارتىنشا كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى, بۇل دەرەك بويىنشا قىلمىستىق ٸس قوزعالدى.
بۇل ٸس بويىنشا باستى كٷدٸكتٸ ەرنار جيەمباي بولدى. بۇعان دەيٸنگٸ اشىق فورماتتا ٶتكەن الدىن الا تىڭداۋ كەزٸندە سۋديا جيەمبايدىڭ سوت پروتسەسٸ بارىسىندا ٶزٸن تٷسٸرۋگە قارسى ەكەنٸن جەتكٸزدٸ.
