Búgingi Úkimet otyrysy onlaın-rejimde kórsetildi. Osyǵan qatysty belgili jýrnalıs Bolat Múrsálim óz oı-pikirin bildirgen eken.
Úkimet otyrysyn biraz ýaqyt onlaın-rejımnen kórdim. Kúndelikti jumysy barysy. Biraq, mınıstrler birinen soń biri shyǵyp oryssha sóılep jatyr. Qazaqsha amandasyp, qazaqsha qorytyndysyn ǵana aıtady. Al, negizgi baıandamalary orys tilinde. Slaıdtary oryssha. Onlaın kórip otyrǵandardyń bári "Nege qazaqsha sóılemeıdi?" dep ashýly. Qazirgi ýaqytta "orys tili resmı til" degen qate túsinik qalyptasqan. Qazaq-aý, qazaq tili resmı til ǵoı. Osyny uǵatyn kún jetti ǵoı! Saǵyntaev, Tasmaǵambetov, Myrzahmetov - qazaqtyń úsh úlken azamaty Úkimetti basqarady dep ınternettiń qýanǵany keshe ǵana edi ǵoı...
Sonda el ne úshin qýandy? Qazaqtyń úlesi 70 paıyzǵa jetse de orysshadan nege qutylmaı otyrmyz? Nazarbaev pen Saǵyntaev qashan bılikti qazaqshaǵa kóshiredi?
Avtordyń Feısbýktegi paraqshasynan alyndy
