بٷگٸنگٸ ٷكٸمەت وتىرىسى ونلاين-رەجٸمدە كٶرسەتٸلدٸ. وسىعان قاتىستى بەلگٸلٸ جۋرناليست بولات مٷرسەلٸم ٶز وي-پٸكٸرٸن بٸلدٸرگەن ەكەن.
ٷكٸمەت وتىرىسىن بٸراز ۋاقىت ونلاين-رەجيمنەن كٶردٸم. كٷندەلٸكتٸ جۇمىسى بارىسى. بٸراق, مينيسترلەر بٸرٸنەن سوڭ بٸرٸ شىعىپ ورىسشا سٶيلەپ جاتىر. قازاقشا امانداسىپ, قازاقشا قورىتىندىسىن عانا ايتادى. ال, نەگٸزگٸ باياندامالارى ورىس تٸلٸندە. سلايدتارى ورىسشا. ونلاين كٶرٸپ وتىرعانداردىڭ بەرٸ "نەگە قازاقشا سٶيلەمەيدٸ?" دەپ اشۋلى. قازٸرگٸ ۋاقىتتا "ورىس تٸلٸ رەسمي تٸل" دەگەن قاتە تٷسٸنٸك قالىپتاسقان. قازاق-اۋ, قازاق تٸلٸ رەسمي تٸل عوي. وسىنى ۇعاتىن كٷن جەتتٸ عوي! ساعىنتاەۆ, تاسماعامبەتوۆ, مىرزاحمەتوۆ - قازاقتىڭ ٷش ٷلكەن ازاماتى ٷكٸمەتتٸ باسقارادى دەپ ينتەرنەتتٸڭ قۋانعانى كەشە عانا ەدٸ عوي...
سوندا ەل نە ٷشٸن قۋاندى? قازاقتىڭ ٷلەسٸ 70 پايىزعا جەتسە دە ورىسشادان نەگە قۇتىلماي وتىرمىز? نازارباەۆ پەن ساعىنتاەۆ قاشان بيلٸكتٸ قازاقشاعا كٶشٸرەدٸ?
اۆتوردىڭ فەيسبۋكتەگٸ پاراقشاسىنان الىندى
