Premer-ministr Oljas Bektenov Úkimettegi baspasóz konferentsiiasynda Almaty taý klasterin damytý jónindegi aýqymdy josparlarymen bólisti, dep habarlaidy Dalanews.kz.
Joba birneshe baǵyttardy qamtidy: jumys istep turǵan kýrorttardan bastap jańa týristik aimaqtardy keńeitýge deiin.
"Almaty taýlary - bizdiń úlken bailyǵymyz ári igiligimiz. Mundai ádemi taýlar, shańǵy tebýge arnalǵan oryn álemdegi sanaýly bolyp tabylady. Sonyqtan osy áleýetti timidi paidalanǵanymyz abzal. Sol sebepti biz Almaty taý klasterin damytatyn bolamyz. Qazir bizde osyndai joǵary deńgeidegi infraqurylym tek Shymbulaqta ǵana bar, biraq trassalardyń uzyndyǵy shekteýli, iaǵni týristerdi qabyldaý múmkindigi de shekteýli. Biz Almaty klasterin keńeitý boiynsha úlken baǵdarlamany, jobany qabyldadyq. Ol Talǵar tarapynan bastalady: Oiqaraǵai, Býtakovka, Pioner shatqaly, Qimasar, odan ári Shymbulaq jáne Qaskeleń baǵytynda damidy", - dep atap ótti Oljas Bektenov.
Jaiaý júrginshiler joldaryn, aspaly joldardy jáne servistik obektilerdi qosa alǵanda, zamanaýi taý shańǵysy jáne týristik infraqurylymnyń qurylysy josparlanýda.
Premer-ministr Kók-Jailaý shatqalynda zamanaýi taý shańǵysy infraqurylymynyń qurylysy biyl bastalatynyn atap ótti. Joba ashyq túrde júzege asyrylady. Bul arada ekologiialyq qaýipsizdiktiń joǵary standarttaryna erekshe nazar aýdarylatyn bolady.
Buǵan deiin saitymyzda "Qazaqtyń Kýrsheveli: eldegi taý shańǵysy týrizmin qalai damytýǵa bolady?" degen maqala jariialanǵan bolatyn.
