Qazaqtyń qazirgi taǵdyryna, tili men diline, dini men dástúrine qatysty keńinen kósildi. Kórdik. Oilandyq.
«Elimizdegi barlyq meshitterde biliktiń tapsyrmasymen túrli ýaǵyzdar aitylyp jatady. Meshit Allanyń úii. Biliktiń saiasatyn júrgizetin jer emes. Kez-kelgen zaiyrly memlekette din saiasattyń quraly bolmaýy kerek degen zań bar. Munymyz qalai sonda?» degen jýrnalistiń saýalyna ǵalym jan-jaqty toqtalyp, tolymdy jaýap bergen eken.
– Munyń durys jaǵy da, burys jaǵy da bar. Memleket júrgizip otyrǵan saiasatqa des bermei jatqandar bar, sebebi. Mysalǵa men ýahabisterdiń qalai paida bolǵanyn bilemin.
Ýahabisterdiń alǵashqy oshaǵy, otany — Tarazda boldy.
Tarazda sondaǵy jigitter uiymdastyrdy. Áýelde men munyń ne ekenin de bilmedim. Keiin izdendim, tarihyn zerttedim… Sonymenen Tazabektiń (bul arada Mekemtas aǵa jýrnalisten «Tazabekti bilesiń ǵoi?» dep surap aldy) úiinde 20 ýahabispen birge bas qostym. Áńgimelerin tyńdai kele, olarǵa qarabet bolmaiyq dedim. Oilanyńdar dedim. Tazabektiń úiinde otyrǵanda bul baǵytynyń durys emesin, qaýipti ekenin aityp saqtandyrdym. Tyńdamady… Áli de bolsa ózderiniń áreketterin jalǵastyryp jatyr, – dedi Mekemtas aǵa.
«Salafitterdi joiyp jiberýge ne kedergi?» – deidi óz kezeginde jýrnalist.
– Joimaiynsha bolmaidy.
Joimasaq, olar bizdi joiady. Men túsinbeitin bir kedergiler bar. Másele biz kózin joiǵymyz kelgen salafitter biliktiń óz ishinde de otyr.
Qyzyq, sonda men bilgendi, tiisti organdar bilmei me? Baitursynov aitqan, «dinin shanshyp istikke, árkim bir jep izdep júr» dep. Shynymdy aitsam, ózin ýahabi, sáláfi degenderdiń dinge qulap jatqanyn kórgem joq. Olar aqshaǵa qulap jatyr. Onyń ortalyǵy Saýd Arabiiasy…, – deidi ǵalym.
Túsindińiz be? Osy pikir arqyly ol biraz adamnyń betin ashty. Shyndyqty aitý qiyn bolsa, aitty. Kóp sóilegen joq.
Salafitter óz qataryna tartý úshin sáigúlik mingizip, búrkit te syilaidy
«Sələfiler jylt etken ənshi, aqyn, sportshy, jýrnalist, analitik t.b tanymal adam kórse, qaltasy qalyń kəsipkerdi kózderi shalsa, olardy maqsatty túrde óz qatarlaryna qosýǵa tyrysady.
Olardy qaratsa, olarǵa eliktegen qalyń jastardy ońai qanjyǵalaryna bailaityndyqtaryn jaqsy túsinedi. Olarmen jumys isteýdiń túrli joldaryn meńgergen. Səigúlik mingizip, búrkit syilaidy. Sələfi senimindegi ədemi qyzben úilendiredi.
Jumyssyz júrgenderin ailyqqa bailaidy. Jumysqa turǵyzady. Əleýmettik jelide jarnamasyn jasap, kóńilderin qosh etedi. Sait ashyp beredi.
Quryǵy uzyn, joǵarǵy jaqtaǵy bilik ókilderi nemese qaltasy qalyń kəsipkerleri arqyly arzan baǵamen baspana məselesin sheship tastaidy. Tender alyp beredi. Sportshyǵa sportshyny, ənshige ənshini, kəsipkerge kəsipkerdi, jýrnalistke jýrnalisti salady.
Tipti esersoqtardy da tiimdi paidalanyp, unamaǵandaryna aidap salyp, qoqan-loqqy jasatyp otyrady».
Derekkóz: kaz.365info.kz
