Ýaqyt beldeýiniń aýysýy Qazaqstannyń energiia tutynýyna áser etpegen, dep habarlaidy Dalanews.kz.
Ministrliktiń málimetinshe, eldegi elektr energiiasyn tutyný halyqtyń kúndelikti ómir tirshiligimen tikelei bailanysty. Eń joǵary júktemeler tańerteńgi jáne keshki saǵattarda, turmystyq tutyný deńgeiiniń jandanýyna kezinde bolady.
“Buǵan deiin júrgizilgen ýaqytty bir saǵatqa artqa aýystyrý elektr júiesiniń jumysynda eshqandai úzilis nemese tutynýshylarǵa shekteýler týdyrmady. Eń joǵary júktemeler sol deńgeide qaldy, jalǵyz ózgeris keshki eń joǵary tutynýdyń erterek bastalýy boldy. Degenmen, bul ósim tańerteń tutynýdyń tómendeýimen óteldi. 2023 jáne 2024 jylǵy qańtar-qyrkúiektegi málimetterdi taldaý elektr energiiasyn tutynýdyń 4%-ǵa turaqty ósýin kórsetedi. Bul ósim ýaqyt beldeýleriniń ózgerýine bailanysty emes, halyqtyń jáne jalpy el ekonomikasynyń tutynýynyń tabiǵi ósýine bailanysty. Mysaly, ákimshilik ýaqyt bir saǵatqa artqa jyljytylmaǵan EES Batys aimaǵynda tutyný ótken jyldyń sáikes kezeńimen salystyrǵanda 10,4%-ǵa ósti”, - delingen aqparatta.
Sonymen qatar, elektr energiiasynyń biryńǵai satyp alýshy mehanizmi engizilgennen keiin kórshiles elderden elektr energiiasynyń importy ósti, óitkeni eń joǵary saǵattarda tapshylyqty jabý úshin kórshi elderden elektr energiiasynyń josparly aǵyndaryn uiymdastyrý múmkin boldy jáne elektr energiiasyn tasymaldaýǵa múmkindik berdi. Josparlanǵan kezeńderge sáikes respýblikadaǵy barlyq iri elektr stantsiialaryna kúrdeli jóndeý jumystaryn júrgizý.
