Qazaqstanda reseilik telejúrgizýshi Tina Kandelakidiń bet pen dene kútimine arnalǵan kosmetika jelisiniń jumysy toqtap qaldy, dep habarlaidy Dalanews.kz.
“Zolotoe iabloko” saýda jelisiniń Qazaqstandaǵy onlain-katalogynan Tina Kandelakige tiesili “Ansaligy” kosmetika brendiniń ónimderi joǵalyp ketti. Ony Kandelaki "innovatsiialyq" dep atap kelgen.
Eske salaiyq, buǵan deiin Tina Kandelaki óziniń Telegram-arnasynda “Qazaqstanda orys tili aqyryn yǵystyrylyp jatqanyn” aityp, jazba jariialaǵan bolatyn. Munda ol qazaqtardy “máńgúrtke” teńegen edi. Osy jaǵdaiǵa bailanysty QR Syrtqy ister ministrliginiń ókili Aibek Smadiiarov telejúrgizýshiniń Qazaqstanǵa kirýine tyiym salynǵanyn habarlaǵan bolatyn.
Osy tusta ashýǵa býlyqqan qazaqstandyqtar Tina Kandelakige tiesili kompaniia ónimin saittan alyp tastaýdy talap etip, ony satyp almaýǵa shaqyrdy.Nátijesinde reseilik telejúrgizýshiniń kásibine elimizdegi arnaiy saýda alańdarynda shekteý qoiyldy.
