قازاقستاندا رەسەيلٸك تەلەجٷرگٸزۋشٸ تينا كاندەلاكيدٸڭ بەت پەن دەنە كٷتٸمٸنە ارنالعان كوسمەتيكا جەلٸسٸنٸڭ جۇمىسى توقتاپ قالدى, دەپ حابارلايدى Dalanews.kz.
“زولوتوە يابلوكو” ساۋدا جەلٸسٸنٸڭ قازاقستانداعى ونلاين-كاتالوگىنان تينا كاندەلاكيگە تيەسٸلٸ “Ansaligy” كوسمەتيكا برەندٸنٸڭ ٶنٸمدەرٸ جوعالىپ كەتتٸ. ونى كاندەلاكي "يننوۆاتسييالىق" دەپ اتاپ كەلگەن.
ەسكە سالايىق, بۇعان دەيٸن تينا كاندەلاكي ٶزٸنٸڭ Telegram-ارناسىندا “قازاقستاندا ورىس تٸلٸ اقىرىن ىعىستىرىلىپ جاتقانىن” ايتىپ, جازبا جارييالاعان بولاتىن. مۇندا ول قازاقتاردى “مەڭگٷرتكە” تەڭەگەن ەدٸ. وسى جاعدايعا بايلانىستى قر سىرتقى ٸستەر مينيسترلٸگٸنٸڭ ٶكٸلٸ ايبەك سماديياروۆ تەلەجٷرگٸزۋشٸنٸڭ قازاقستانعا كٸرۋٸنە تىيىم سالىنعانىن حابارلاعان بولاتىن.
وسى تۇستا اشۋعا بۋلىققان قازاقستاندىقتار تينا كاندەلاكيگە تيەسٸلٸ كومپانييا ٶنٸمٸن سايتتان الىپ تاستاۋدى تالاپ ەتٸپ, ونى ساتىپ الماۋعا شاقىردى.نەتيجەسٸندە رەسەيلٸك تەلەجٷرگٸزۋشٸنٸڭ كەسٸبٸنە ەلٸمٸزدەگٸ ارنايى ساۋدا الاڭدارىندا شەكتەۋ قويىلدى.
