Túimebaev meditsina qyzmetkerleriniń tól merekesi toilandy
– Barshańyzdy kásibi merekelerińiz - meditsina qyzmetkerleri kúnimen shyn júrekten quttyqtaimyn! Álemde birneshe ardaqty da qurmetti mamandyqtar bar, sonyń biri – dárigerler. Sizderdiń kómekterińizben toqtaǵan júrek qaita soǵyp, úmitimiz jalǵanyp, syzdaǵan baltyrymyz jazylady. Kún demei, tún demei qajet kezde janymyzdan tabylasyzdar. Otbasylaryńyzǵa amandyq, ózderińizge zor densaýlyq, jemisti eńbek tileimin. Búgingi Oraza Ait merekesi de qutty bolyp, elimiz jańa belesterdi baǵyndyra bersin! – degen óńir basshysy 70-ten astam meditsina qyzmetkerlerine túrli marapattardy tapsyrdy.
Atap aitsaq, eńbegimen daralanǵan aq jeleńdi abzal jandar «Oblysqa sińirgen eńbegi úshin» medalimen, Ońtústik Qazaqstan oblysy ákiminiń Qurmet gramotasy men alǵys hattarymen marapattaldy. Sondai-aq, birneshe dárigerge «Qazaqstan Respýblikasy densaýlyq saqtaý isiniń úzdigi» tósbelgisi men «Qazaqstan Respýblikasy densaýlyq saqtaý isine qosqan úlesi úshin» tós belgileri tapsyryldy. Saltanatty sharada úzdik meditsinalyq mekeme bolyp oblystyq klinikalyq aýrýhanasy tanyldy. Oblys ákimi atalǵan mekemeniń bas dárigeri Marat Pashimovke shaǵyn avtobýstyń kiltin tapsyrdy. Sonymen qatar úzdik atanǵan akýsher-ginekolog Nurjan Mahmýtovke jeńil avtokólikti tartý etti. Saryaǵash aýdandyq ortalyq aýrýhanasynyń bas dárigeri Ibragim Tashevke jer úidiń kilti tapsyrylsa, eńbegimen daralanǵan dáriger Baqdáýlet Myrzaqasymdy da sý jańa pátermen marapattady.
Búginde óńirdiń ekonomikalyq ósýiniń nátijesinde meditsinalyq uiymdarynyń materialdyq-tehnikalyq bazasy nyǵaiyp, ortasha respýblikalyq deńgeige jetti 65,6% (QR 65,7%). Tek 2017 jyldyń ózinde jergilikti biýdjetten meditsina salasyn materialdyq-tehnikalyq jabdyqtaýǵa 6,2 mlrd. teńge bólindi.
Saltanatty shara sońy respýblikaǵa jáne oblysymyzǵa tanymal óner juldyzdarynyń kontserttik baǵdarlamasyna ulasty.
