– بارشاڭىزدى كاسىبي مەرەكەلەرىڭىز - مەديسينا قىزمەتكەرلەرى كۇنىمەن شىن جۇرەكتەن قۇتتىقتايمىن! الەمدە بىرنەشە ارداقتى دا قۇرمەتتى ماماندىقتار بار، سونىڭ ءبىرى – دارىگەرلەر. سىزدەردىڭ كومەكتەرىڭىزبەن توقتاعان جۇرەك قايتا سوعىپ، ءۇمىتىمىز جالعانىپ، سىزداعان بالتىرىمىز جازىلادى. كۇن دەمەي، ءتۇن دەمەي قاجەت كەزدە جانىمىزدان تابىلاسىزدار. وتباسىلارىڭىزعا اماندىق، وزدەرىڭىزگە زور دەنساۋلىق، جەمىستى ەڭبەك تىلەيمىن. بۇگىنگى ورازا ايت مەرەكەسى دە قۇتتى بولىپ، ەلىمىز جاڭا بەلەستەردى باعىندىرا بەرسىن! – دەگەن ءوڭىر باسشىسى 70-تەن استام مەديسينا قىزمەتكەرلەرىنە ءتۇرلى ماراپاتتاردى تاپسىردى.
اتاپ ايتساق، ەڭبەگىمەن دارالانعان اق جەلەڭدى ابزال جاندار «وبلىسقا سىڭىرگەن ەڭبەگى ءۇشىن» مەدالىمەن، وڭتۇستىك قازاقستان وبلىسى اكىمىنىڭ قۇرمەت گراموتاسى مەن العىس حاتتارىمەن ماراپاتتالدى. سونداي-اق، بىرنەشە دارىگەرگە «قازاقستان رەسپۋبليكاسى دەنساۋلىق ساقتاۋ ءىسىنىڭ ۇزدىگى» توسبەلگىسى مەن «قازاقستان رەسپۋبليكاسى دەنساۋلىق ساقتاۋ ىسىنە قوسقان ۇلەسى ءۇشىن» ءتوس بەلگىلەرى تاپسىرىلدى. سالتاناتتى شارادا ۇزدىك مەديسينالىق مەكەمە بولىپ وبلىستىق كلينيكالىق اۋرۋحاناسى تانىلدى. وبلىس اكىمى اتالعان مەكەمەنىڭ باس دارىگەرى مارات پاشيموۆكە شاعىن اۆتوبۋستىڭ كىلتىن تاپسىردى. سونىمەن قاتار ۇزدىك اتانعان اكۋشەر-گينەكولوگ نۇرجان ماحمۋتوۆكە جەڭىل اۆتوكولىكتى تارتۋ ەتتى. سارىاعاش اۋداندىق ورتالىق اۋرۋحاناسىنىڭ باس دارىگەرى يبراگيم تاشيەۆكە جەر ءۇيدىڭ كىلتى تاپسىرىلسا، ەڭبەگىمەن دارالانعان دارىگەر باقداۋلەت مىرزاقاسىمدى دا سۋ جاڭا پاتەرمەن ماراپاتتادى.
بۇگىندە ءوڭىردىڭ ەكونوميكالىق ءوسۋىنىڭ ناتيجەسىندە مەديسينالىق ۇيىمدارىنىڭ ماتەريالدىق-تەحنيكالىق بازاسى نىعايىپ، ورتاشا رەسپۋبليكالىق دەڭگەيگە جەتتى 65،6% (ق ر 65،7%). تەك 2017 جىلدىڭ وزىندە جەرگىلىكتى بيۋدجەتتەن مەديسينا سالاسىن ماتەريالدىق-تەحنيكالىق جابدىقتاۋعا 6،2 ملرد. تەڭگە ءبولىندى.
سالتاناتتى شارا سوڭى رەسپۋبليكاعا جانە وبلىسىمىزعا تانىمال ونەر جۇلدىزدارىنىڭ كونسەرتتىك باعدارلاماسىنا ۇلاستى.
