Nur-Sultan qalasyndaǵy jaiaý týrizmdi ary qarai tanymaldylyǵyn arttyrý maqsatynda 2GIS kartada kók túspen belgileý arqyly qalanyń basty kórikti oryndary boiynsha jaiaý baǵdar qurastyryp shyǵardy.
Endi «Týristik baǵdardyń» árbir núktesin basyp qarap, elordanyń kórikti jerlerine qalai barýǵa bolatynyn eshkimnen suramai-aq bilýge bolady. Sonymen qatar qosymshada ózińiz tańdaǵan nysandy tańdap, onyń qysqasha tarihi sipattamamen jáne fotosýrettermen tanysaýǵa bolady.
Bul týristerge Qazaqstan astanasy boiynsha jaiaý serýendeýge múmkindik beredi. Ol úshin izdeý jolyna «Týristik marshrýt» dep jazsańyz jetkilikti. Budan keiin baǵdar birden iske qosylyp, ekranyńyzda kók tústi syzyq paida bolady. Aita keteiik, 2GIS – úsh nusqada jumys isteitin (kompiýter, onlain jáne mobildi qosymsha) 1,3 millionnan astam paidalanýshysy bar qalalyq aqparattyq anyqtama. 2019 jyly 2GIS Forbes Kazakhstan málimetteri boiynsha mobildi qosymshalardyń arasynda 2 oryndy ielengen tanymal qosymsha.
