Májilis depýtattary rejisser Ermek Tursynovtyń elden ketip qalýyna pikir bildirdi, dep habarlaidy Dalanews.kz Malim.kz-ke siltep.
Depýtat Juldyz Súleimenova jahandaný zamanynda Tursynovtyń elden ketip qalýy óz quqyǵy ekenin aitady.
"Biraq men onyń birde-bir týyndysyn memlekettiń qarjysyn jumsap, jasaýǵa bolatyn týyndy dep sanamaimyn. Maǵan onyń týyndylary keremet sezim qaldyrmaidy", - deidi depýtat.
Taǵy bir halyq qalaýlysy Ulasbek Sádibekovtiń sózinshe, Ermek Tursynovty rejisser esebinde, patriot retinde baǵalaityn azamat.
"Al keshe áleýmettik jelide aitqan máselesin men túsinbedim. Qandai maqsatpen, ne úshin ketip jatqany men úshin jańalyq boldy", - deidi depýtat.
Al "Aq jol" partiiasynyń tóraǵasy Azat Perýashev Tursynov daryndy rejisser ekenin atap ótti.
"Menińshe, onyń elden ketýin bizdiń aiyptaýymyzǵa quqyǵymyz joq. Árkim óz jolyn ózi tańdaidy. Biraq elden ketýge májbúrledi dep jatyr. Basqa memlekettik organdar onyń ústine eshqandai qylmystyq is qozǵalmaǵanyn aitty. Taǵy ne dep aitaryn kóreiik", - deidi Perýashev.
Depýtat Nartai Aralbaiuly shyǵarmashylyq adamdar elden jappai ketip jatpaǵanyn aitady.
"Bul bir ǵana keis. Jelidegi aqparat boiynsha ol azamattyń otbasy, bala-shaǵasy shetelde eken. Sondyqtan shetelge otbasyna ketken shyǵar", - deidi ol.
Ermek Tursynovtyń elden ketip qalýyna depýtat Amantai Jarqynbek te pikir bildirdi.
"Ol jaily jan-jaqty aqparatym joq. Áleýmettik jelide ártúrli áńgime aitylyp jatyr. Elden ketý týraly úrdiste kezinde Muhtar Maǵaýin týraly aittyq, basqasyn aittyq. Óner adamynyń elde bolǵany durys dep oilaimyn. Eger zańǵa qaishy nárseler jasalǵan bolsa, quqyq qorǵaý organdary baǵa berer", - deidi depýtat.
Depýtat Jigýli Dairabaev árkim óziniń qalaýy biletinin atap ótti.
"Ol azamat syrttai jaqsy rejisser ekenin bilemin. Biraq jeke tanystyǵym joq. Qazir álem keń ǵoi. Múmkindikter bar. Bilimin arttyraiyn degen shyǵar", - deidi Dairabaev.
Májilis depýtaty Dáýlet Muqaev ta bul Ermek Tursynovtyń óz tańdaýy ekenin, oǵan eshkim kedergi jasai almaitynyn jetkizdi. Al Ardaq Nazarov bul jaǵdaidy estimegenin aitty.
Eske salaiyq,17 mamyrda tanymal rejisser Ermek Tursynov Qazaqstannan ketip qalǵanyn málimdedi. Qaznette buǵan qatysty qyzý talqy bastalyp ketti.
Tursynovtyń ózi ne dedi?
Qazaqstandyq rejisser jelide “Bir emigratsiianyń tarihy” degen ataýmen uzaq jazba jariialap, ne sebepti elden ketkenin ashyp aitty. Ol munyń sebebi tereńde jatqanyn aitty.
Jazbada Tursynov elden ketýge májbúr bolǵanyn ashyq jazady. Onyń bul sheshimi qoǵamda ártúrli qabyldanýy múmkin ekenin,bireýler túsinistikpen qarap, endi bireýler synap ta jatqanyn aitty.
Ministrmen bailanysty oqiǵa
Rejisser óz jazbasynda bul jaǵdaidyń qalai bastalǵanyn júieli túrde túsindiredi. Onyń aitýynsha, bári Aqtoty Raiymqulovanyń mádeniet ministri qyzmetine kelýinen bastalǵan.
«Men burynnan-aq elimizde mádenietke salǵyrt qaraitynyn aityp kelem. Biraq Aqtoty Raiymqulovanyń ministr bolýy — shekten shyqqan jait boldy. Onyń mádenietke qatysy meniń mal sharýashylyǵyna qatysymmen birdei», – dep jazady avtor.
Ol bul taǵaiyndaýdy kezdeisoqtyqpen bailanystyrady, biraq mundai jaǵdai Qazaqstanda úirenshikti qubylysqa ainalǵanyn aitady.
«Bizde mundai jaittar qalypty nárse: bilikke yńǵaily adamdar kerek, meili olar biliksiz bolsa da. Bir kúni Aqtoty tiisti orynda otyrdy, sóitip ony ministr etip taǵaiyndady».
Sóziniń sońynda Tursynov elimizdegi jaǵdaiǵa bei-jai qarai almaitynyn ashyq aitty. Onyń pikirinshe, memleket birtindep ári toqtaýsyz quldyrap bara jatyr, al bul úrdiske únsiz qarap otyrý – úlken qatelik.
