مەجٸلٸس دەپۋتاتتارى رەجيسسەر ەرمەك تۇرسىنوۆتىڭ ەلدەن كەتٸپ قالۋىنا پٸكٸر بٸلدٸردٸ, دەپ حابارلايدى Dalanews.kz Malim.kz-كە سٸلتەپ.
دەپۋتات جۇلدىز سٷلەيمەنوۆا جاھاندانۋ زامانىندا تۇرسىنوۆتىڭ ەلدەن كەتٸپ قالۋى ٶز قۇقىعى ەكەنٸن ايتادى.
"بٸراق مەن ونىڭ بٸردە-بٸر تۋىندىسىن مەملەكەتتٸڭ قارجىسىن جۇمساپ, جاساۋعا بولاتىن تۋىندى دەپ سانامايمىن. ماعان ونىڭ تۋىندىلارى كەرەمەت سەزٸم قالدىرمايدى", - دەيدٸ دەپۋتات.
تاعى بٸر حالىق قالاۋلىسى ۇلاسبەك سەدٸبەكوۆتٸڭ سٶزٸنشە, ەرمەك تۇرسىنوۆتى رەجيسسەر ەسەبٸندە, پاتريوت رەتٸندە باعالايتىن ازامات.
"ال كەشە ەلەۋمەتتٸك جەلٸدە ايتقان مەسەلەسٸن مەن تٷسٸنبەدٸم. قانداي ماقساتپەن, نە ٷشٸن كەتٸپ جاتقانى مەن ٷشٸن جاڭالىق بولدى", - دەيدٸ دەپۋتات.
ال "اق جول" پارتيياسىنىڭ تٶراعاسى ازات پەرۋاشەۆ تۇرسىنوۆ دارىندى رەجيسسەر ەكەنٸن اتاپ ٶتتٸ.
"مەنٸڭشە, ونىڭ ەلدەن كەتۋٸن بٸزدٸڭ ايىپتاۋىمىزعا قۇقىعىمىز جوق. ەركٸم ٶز جولىن ٶزٸ تاڭدايدى. بٸراق ەلدەن كەتۋگە مەجبٷرلەدٸ دەپ جاتىر. باسقا مەملەكەتتٸك ورگاندار ونىڭ ٷستٸنە ەشقانداي قىلمىستىق ٸس قوزعالماعانىن ايتتى. تاعى نە دەپ ايتارىن كٶرەيٸك", - دەيدٸ پەرۋاشەۆ.
دەپۋتات نارتاي ارالبايۇلى شىعارماشىلىق ادامدار ەلدەن جاپپاي كەتٸپ جاتپاعانىن ايتادى.
"بۇل بٸر عانا كەيس. جەلٸدەگٸ اقپارات بويىنشا ول ازاماتتىڭ وتباسى, بالا-شاعاسى شەتەلدە ەكەن. سوندىقتان شەتەلگە وتباسىنا كەتكەن شىعار", - دەيدٸ ول.
ەرمەك تۇرسىنوۆتىڭ ەلدەن كەتٸپ قالۋىنا دەپۋتات امانتاي جارقىنبەك تە پٸكٸر بٸلدٸردٸ.
"ول جايلى جان-جاقتى اقپاراتىم جوق. ەلەۋمەتتٸك جەلٸدە ەرتٷرلٸ ەڭگٸمە ايتىلىپ جاتىر. ەلدەن كەتۋ تۋرالى ٷردٸستە كەزٸندە مۇحتار ماعاۋين تۋرالى ايتتىق, باسقاسىن ايتتىق. ٶنەر ادامىنىڭ ەلدە بولعانى دۇرىس دەپ ويلايمىن. ەگەر زاڭعا قايشى نەرسەلەر جاسالعان بولسا, قۇقىق قورعاۋ ورگاندارى باعا بەرەر", - دەيدٸ دەپۋتات.
دەپۋتات جيگۋلي دايراباەۆ ەركٸم ٶزٸنٸڭ قالاۋى بٸلەتٸنٸن اتاپ ٶتتٸ.
"ول ازامات سىرتتاي جاقسى رەجيسسەر ەكەنٸن بٸلەمٸن. بٸراق جەكە تانىستىعىم جوق. قازٸر ەلەم كەڭ عوي. مٷمكٸندٸكتەر بار. بٸلٸمٸن ارتتىرايىن دەگەن شىعار", - دەيدٸ دايراباەۆ.
مەجٸلٸس دەپۋتاتى دەۋلەت مۇقاەۆ تا بۇل ەرمەك تۇرسىنوۆتىڭ ٶز تاڭداۋى ەكەنٸن, وعان ەشكٸم كەدەرگٸ جاساي المايتىنىن جەتكٸزدٸ. ال ارداق نازاروۆ بۇل جاعدايدى ەستٸمەگەنٸن ايتتى.
ەسكە سالايىق,17 مامىردا تانىمال رەجيسسەر ەرمەك تۇرسىنوۆ قازاقستاننان كەتٸپ قالعانىن مەلٸمدەدٸ. قازنەتتە بۇعان قاتىستى قىزۋ تالقى باستالىپ كەتتٸ.
تۇرسىنوۆتىڭ ٶزٸ نە دەدٸ?
قازاقستاندىق رەجيسسەر جەلٸدە “بٸر ەميگراتسييانىڭ تاريحى” دەگەن اتاۋمەن ۇزاق جازبا جارييالاپ, نە سەبەپتٸ ەلدەن كەتكەنٸن اشىپ ايتتى. ول مۇنىڭ سەبەبٸ تەرەڭدە جاتقانىن ايتتى.
جازبادا تۇرسىنوۆ ەلدەن كەتۋگە مەجبٷر بولعانىن اشىق جازادى. ونىڭ بۇل شەشٸمٸ قوعامدا ەرتٷرلٸ قابىلدانۋى مٷمكٸن ەكەنٸن,بٸرەۋلەر تٷسٸنٸستٸكپەن قاراپ, ەندٸ بٸرەۋلەر سىناپ تا جاتقانىن ايتتى.
مينيسترمەن بايلانىستى وقيعا
رەجيسسەر ٶز جازباسىندا بۇل جاعدايدىڭ قالاي باستالعانىن جٷيەلٸ تٷردە تٷسٸندٸرەدٸ. ونىڭ ايتۋىنشا, بەرٸ اقتوتى رايىمقۇلوۆانىڭ مەدەنيەت مينيسترٸ قىزمەتٸنە كەلۋٸنەن باستالعان.
«مەن بۇرىننان-اق ەلٸمٸزدە مەدەنيەتكە سالعىرت قارايتىنىن ايتىپ كەلەم. بٸراق اقتوتى رايىمقۇلوۆانىڭ مينيستر بولۋى — شەكتەن شىققان جايت بولدى. ونىڭ مەدەنيەتكە قاتىسى مەنٸڭ مال شارۋاشىلىعىنا قاتىسىممەن بٸردەي», – دەپ جازادى اۆتور.
ول بۇل تاعايىنداۋدى كەزدەيسوقتىقپەن بايلانىستىرادى, بٸراق مۇنداي جاعداي قازاقستاندا ٷيرەنشٸكتٸ قۇبىلىسقا اينالعانىن ايتادى.
«بٸزدە مۇنداي جايتتار قالىپتى نەرسە: بيلٸككە ىڭعايلى ادامدار كەرەك, مەيلٸ ولار بٸلٸكسٸز بولسا دا. بٸر كٷنٸ اقتوتى تيٸستٸ ورىندا وتىردى, سٶيتٸپ ونى مينيستر ەتٸپ تاعايىندادى».
سٶزٸنٸڭ سوڭىندا تۇرسىنوۆ ەلٸمٸزدەگٸ جاعدايعا بەي-جاي قاراي المايتىنىن اشىق ايتتى. ونىڭ پٸكٸرٸنشە, مەملەكەت بٸرتٸندەپ ەرٸ توقتاۋسىز قۇلدىراپ بارا جاتىر, ال بۇل ٷردٸسكە ٷنسٸز قاراپ وتىرۋ – ٷلكەن قاتەلٸك.
