"Týrniketke tirelip qaldy". UQK-nyń Shymkenttegi operatsiiasy sátsiz aiaqtaldy
Belgili bolǵandai, HQKO basshylyǵy jer ýchaskileriniń kúni buryn bekitilgen shekarasyn zańsyz jyljytý boiynsha kúdikke ilingen.
Osyǵan bailanysty sot aldy tergeýge kirisken UQK ortalyqqa kútpegen jerden basyp kirip, basshynyń ústinen túskendi kózdese kerek. Alaida operatsiia áý bastan kedergige ushyraidy.
Videoda týrniketke tirelip qalǵan qarýly jasaqty baiqaýǵa bolady. Ári qarai esikti talqandap, kabinetke kirgen qaýipsizdik qyzmetkerleri basshynyń ornyn sipap qalady.
Áitkenmen qur qol qaitqandy jón kórmegen UQK kabinettegi jer kadastrynyń qujattaryn ózderimen birge ala ketken.
[video width="480" height="848" mp4="https://dalanews.kz/wp-content/uploads/2023/09/383833515_1301954793778810_7815162117965332585_n.mp4"][/video]
1 qyrkúiekte oryn alǵan oqiǵaǵa bailanysty UQK tarapynan ázir eshbir aqparat berilgen joq. Al olardyń HQKO-ǵa basyp kirgen sáti álemjelide qyzý talqylanýda.
"Halyqtyń dúniesin talqandamai, tynysh kirse bolmady ma?", - deidi qaýipsizdik qyzmetiniń jumysyna kóńili tolmaǵan jelidegi qaýym.
