Bishimbaevtyń burynǵy jary Nazym Qaharman dál týǵan kúnin toilap jatqanda kúieýinen sotqa shaqyrtý alǵanyn málimdedi, dep habarlaidy Dalanews.kz
Instagram-daǵy paraqshasynda Nazym Qaharman búgin týǵan kúnin atap ótip jatqanyn habarlady. Áiel dál týǵan kúninde tańerteń burynǵy jubaiynan eki birdei sotqa shaqyrtý qaǵazyn alǵan.
"Men osy “keremet” syidy tańerteń erte qolyma alýym úshin, óte shuǵyl jetkizý rásimdepti. Bir jyl buryn, biz ony ata-ana quqyqtarynan aiyrý máselesi boiynsha sottasqan kezde, sot ony senimhat berýge mindettegen edi. Sot talap etken soń, ol senimhat berdi. Bul senimhat týra on ai ǵana kúshinde boldy, al tamyz aiynyń sońynda ol senimhatty tolyqtai qaitaryp aldy. Endi ol balalardyń atyna berilgen kelisimin de keri qaitaryp jatyr, iaǵni balalar ózderi saiahattai almaýy, shetelge shyǵa almaýy úshin jasalyp otyr", – deidi Nazym Qaharman.
Nazymnyń pikirinshe, Bishimbaev bul áreketti balalardy ózimen sóilesýge májbúrlep, qysym kórsetý úshin jasap otyr.
Áiel bul talap-aryzdarǵa quqyqtyq másele retinde emes, psihologiialyq qysym retinde qaraitynyn atap ótti.
"Ókinishke qarai, mundai adamdardan qutylý óte qiyn, bul ras. Olar sońyna deiin jabysyp alady, ásirese eger sen jaqsy bolsań, adaldyǵyńmen erekshelenseń, kóp energiia berip, kóp jaqsylyq jasasań. Árine, mundai adamdar jai ǵana ketpeidi. Jalpy, men osy jyly ózime ne tileimin? Eń bastysy, olardan qutylsam deimin", – dedi Nazym Qaharman.
Aita keteiik, Nazym Qaharman qazir túrmedegi eks-ministr Qýandyq Bishimbaevpen 14 jyl nekede bolǵan, olardyń ortaq úsh balasy bar.
