Birneshe óńirde radikal dini ideologiiany ustanatyndar anyqtaldy. Olar terakt uiymdastyrmaq bolǵan, - dep habarlaidy Dalanews.kz.
Osy jylǵy 22 qarashada Ulttyq qaýipsizdik komiteti IIM-men birlese, Almaty oblysy prokýratýrasynyń úilestirýimen Almaty, Qostanai jáne Jetisý oblystarynyń qylmystyq-atqarý júiesi mekemelerinde 10 radikaldy dini ideologiia jaqtasynyń áreketiniń jolyn kesti.
Aldyn ala málimetke sáikes, figýranttardyń biri qamaý jaǵdaiynda terrorlyq akt jasaýǵa daiyndalǵan, al qalǵandary terrorizmdi nasihattaýǵa qatysyp, terrorlyq áreketterdi uiymdastyrý maqsatynda adamdardy óz qatarlaryna tartýmen ainalysqan.
Jaza óteý oryndarynda júrgizilgen tintýler barysynda sýyq qarý, smartfondar jáne basqa da zattai dálelder alyndy.
Bireýiniń ekstremizm úshin sottylyǵy bar. Qalǵandary kisi óltirý, tonaý jáne urlyq úshin jazalaryn ótegen.
Sondai-aq, Almaty qalasynda probatsiialyq baqylaýda turǵan olardyń bailanysy ustaldy.
Kórsetilgen adamdarǵa qatysty Qylmystyq kodekstiń 255, 256 jáne 259-baptary boiynsha sotqa deiingi tergep-tekserý júrgizilip jatyr. Qylmystyq-protsestik kodekstiń 201-babynyń 1-bóligine sáikes ózge aqparat jariia etýge jatpaidy.
