Búgin Qazaqstan halqyna arnaǵan Joldaýynda memleket basshysy Qasym-Jomart Toqaev fýtbol klýbtaryn jekeshelendirý týraly aitqan edi. Otandyq fýtbol klýbtaryna investitsiia salatyn kásipkerlerdiń alǵashqy legi belgili bolyp úlgergen, dep habarlaidy Dalanews.kz 1bol.kz-ǵa silteme jasap.
Saiasattanýshy Erbol Edilovtiń jazýynsha, "Shahtior" fýtbol klýby – Timýr Týrlovqa, "Jeńis" fýtbol klýby – Mihail Lomtadzege, "Qyzyl-Jar" fýtbol klýby – Sergei Kanǵa beriledi.
Sonymen qatar, tórtinshi klýb - "Qaisar" qyzylordalyq jas kásipker, qurylys salasynyń ókili Islamǵali Qozbaqovqa senip tapsyrylmaq. Ol kelisimshart aiasynda zamanaýi fýtbol akademiiasyn salýǵa shamamen 12 mlrd teńge investitsiia quiýdy josparlap otyr.
Aita ketsek, búgingi Qazaqstan halqyna arnalǵan Joldaýynda Memleket basshysy Qasym-Jomart Toqaev fýtbol klýbtaryn jekeshelendirýdi tezdetýdi tapsyrdy.
"Qazir elimizdiń tórt fýtbol klýbyna belgili kásipkerlerimiz ie boldy, iaǵni, klýbtar jekemenshikke ótip jatyr. Sol úshin olarǵa rizashylyǵymdy bildiremin. Degenmen fýtboldy kommertsiialandyrý isin jalǵastyra berý kerek. Mundai qadamsyz Qazaqstanda fýtbol damymaitynyn álemdik tájiribeden kórip otyrmyz. Qazirgi zamanda kásibi sportty qomaqty tabys ákeletin biznes-indýstriia retinde qarastyrǵan jón", - dedi Qasym-Jomart Toqaev.
