Qazaqstandyq prodiýser Baian Maqsatqyzy qazaq kinosynyń ańyz aktrisasy Merýert Ótekeshovaǵa jańa páterdiń kiltin tabystady. Sonymen qatar ol óner iesine Túrkiiaǵa joldama syilaǵanyn málimdedi, dep habarlaidy dalanews.kz.
Baian Maqsatqyzynyń aitýynsha, jańa baspana tolyqtai turýǵa daiyn. Páter qajetti jihazben, turmystyq tehnikamen, asúi jabdyqtarymen jáne ózge de qajetti zattarmen qamtamasyz etilgen. Prodiýserdiń sózinshe, interer dizainyn ózi ázirlep, árbir bólshegin jeke tańdaǵan.
«Bul – ańyz tulǵaǵa degen júrekten shyqqan syi. Ol bar jaqsylyqqa laiyq», – dedi Baian Maqsatqyzy.
Merýert Ótekeshova kórsetilgen qurmet pen qamqorlyq úshin alǵysyn bildirip, mundai syidyń ózi úshin kútpegen ári erekshe qýanysh bolǵanyn aitty.
Merýert Ótekeshova – qazaq kino óneriniń kórnekti ókili. Ol kórermenge eń aldymen «Qyz Jibek» filmindegi Jibek beinesi arqyly keńinen tanyldy. Keiingi jyldary aktrisa teatr men kinodaǵy eńbegi úshin túrli memlekettik marapattarǵa ie boldy.
Sońǵy ýaqytta áleýmettik jelide Baian Maqsatqyzynyń bul bastamasy qyzý talqylanyp, kópshilik ańyz aktrisaǵa kórsetilgen qurmetke oń baǵasyn berip jatyr.
