بۇگىن قازاقستان حالقىنا ارناعان جولداۋىندا مەملەكەت باسشىسى قاسىم-جومارت توقايەۆ فۋتبول كلۋبتارىن جەكەشەلەندىرۋ تۋرالى ايتقان ەدى. وتاندىق فۋتبول كلۋبتارىنا ينۆەستيسيا سالاتىن كاسىپكەرلەردىڭ العاشقى لەگى بەلگىلى بولىپ ۇلگەرگەن، دەپ حابارلايدى Dalanews.kz 1bol.kz-عا سىلتەمە جاساپ.
ساياساتتانۋشى ەربول ەدىلوۆتىڭ جازۋىنشا، "ءشاحتور" فۋتبول كلۋبى – تيمۋر تۋرلوۆقا، "جەڭىس" فۋتبول كلۋبى – ميحايل لومتادزەگە، "قىزىل-جار" فۋتبول كلۋبى – سەرگەي كانعا بەرىلەدى.
سونىمەن قاتار، ءتورتىنشى كلۋب - "قايسار" قىزىلوردالىق جاس كاسىپكەر، قۇرىلىس سالاسىنىڭ وكىلى يسلامعالي قوزباقوۆقا سەنىپ تاپسىرىلماق. ول كەلىسىمشارت اياسىندا زاماناۋي فۋتبول اكادەمياسىن سالۋعا شامامەن 12 ملرد تەڭگە ينۆەستيسيا قۇيۋدى جوسپارلاپ وتىر.
ايتا كەتسەك، بۇگىنگى قازاقستان حالقىنا ارنالعان جولداۋىندا مەملەكەت باسشىسى قاسىم-جومارت توقايەۆ فۋتبول كلۋبتارىن جەكەشەلەندىرۋدى تەزدەتۋدى تاپسىردى.
"ءقازىر ەلىمىزدىڭ ءتورت فۋتبول كلۋبىنا بەلگىلى كاسىپكەرلەرىمىز يە بولدى، ياعني، كلۋبتار جەكەمەنشىككە ءوتىپ جاتىر. سول ءۇشىن ولارعا ريزاشىلىعىمدى بىلدىرەمىن. دەگەنمەن فۋتبولدى كوممەرسيالاندىرۋ ءىسىن جالعاستىرا بەرۋ كەرەك. مۇنداي قادامسىز قازاقستاندا فۋتبول دامىمايتىنىن الەمدىك تاجىريبەدەن كورىپ وتىرمىز. قازىرگى زاماندا كاسىبي سپورتتى قوماقتى تابىس اكەلەتىن بيزنەس-يندۋستريا رەتىندە قاراستىرعان ءجون"، - دەدى قاسىم-جومارت توقايەۆ.
