Májilis depýtaty Dáýlet Turlyhanovtyń uly Nurasyl Bolat taǵy "qydyryp júr", - dep habarlaidy Dalanews.kz Massaget.kz-ke silteme jasap.
Áleýmettik jelide Nurasyldyń týǵan kúnde otyrǵan videosy tarady. Al sot sheshimi boiynsha Turlyhanovtyń uly probatsiialyq baqylaýda (ýákiletti organdardyń sottalǵandarǵa sot júktegen mindetterdi oryndaýyn jáne olardyń minez-qulqyn baqylaý).
Qylmystyq-atqarý júiesi komitetindegilerdiń málimetinshe, Nurasyl Bolat bas bostandyǵyn shekteý túrindegi jazasyn ótep júr jáne Almaty qalasynyń probatsiia qyzmetinde esepte turdy.
"Probatsiialyq baqylaýdy buzý faktisi boiynsha sottalǵan adamǵa (Nurasyl Bolatqa) eskertý jasaldy, jazany bas bostandyǵynan aiyrýǵa aýystyrý týraly máseleni sheshý úshin sotqa material daiyndalyp jatyr", - delingen komitettiń resmi jaýabynda.
Eske salaiyq, tamyzda jelide Nurasyl Bolattyń úiinde probatsiialyq baqylaýda bolýy kerek ýaqytynda qalany aralap júrgeni túsirilgen video paida boldy. QAJK ishki tekseristi bastaǵany týraly aitylǵan bolatyn.
Aita keteiik, buǵan deiin Almatyda áskeri qyzmetker belgili advokatty soqqyǵa jyqqany habarlanǵan. Bul oqiǵa 11 aqpanǵa qaraǵan túni Almatynyń saýda ortalyqtarynyń biriniń mańyndaǵy parkingte bolǵan. Is qoǵamdyq daý týdyrdy.
Bul oqiǵa týraly advokat Oleg Chernovtyń áieli Anna Dmitrievich Facebook-paraqshasynda jazǵan. Olar taksige otyra bergende bir jigit júgirip kelip, soqqyǵa jyǵylǵan qyzǵa kómektesýin suraǵan.
Al keiin advokatty soqqyǵa jyqqan áskeri qyzmetker grek-rim kúresinen qazaqstandyq jáne burynǵy Keńes Odaǵynyń palýany Dáýlet Turlyhanovtyń uly bolyp shyqty. Bul aqparatty Turlyhanovtyń ózi rastaǵan bolatyn. Ol ulyna qatysty daýǵa kózqarasyn bildirip, keshirim surady.
9 qazanda sot Nurasyl Bolatty ózine taǵylǵan qylmysty jasaǵany úshin kináli dep taýyp, 1 700 000 teńge kóleminde aiyppul saldy. 2024 jylǵy 14 mamyrda Joǵarǵy Sot isti kassatsiialyq tártipte qarap, úkimdi ózgertti. Turlyhanovtyń ulyna eki jyl bas bostandyǵynan shekteý jazasy taǵaiyndalyp, ótemaqy mólsheri ulǵaityldy.
