Eń bastysy, óńir jurtshylyǵy tatýlyqty tý etip, tereń baýyrlastyqtyń jarqyn úlgisin kórsetip keledi.
Osy baýyrlas eldiń jastary úshin 15 mamyr QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Túrkistan oblysy boıynsha departamentiniń bastamasymen Otyrar aýdanynyń ákim apparatynyń uıymdastyrýymen kıeli Otyrar jeriniń tarıhı qundylyqtarymen tanysý kúni boldy.
Qasıetti mekenge taban tiregen oblysymyzdaǵy túrli ult ókilderi aldymen qasıetti Arystanbab kesenesine, Otyrartóbe jáne Otyrar memlekettik arheologıalyq qoryq mýzeıine at basyn tiredi.
Saıahatty babtardyń baby Arystanbab kesenine zıarat jasaýdan bastaǵan jastar qasıetti ólkeniń tarıhı jádigerlerimen,syr shertetin qundylyqtarymen jan-jaqty tanysty.
Ekspedısıa barysynda Otyrar aýdanynyń tarıhyna qanyqqan jastar alǵan áserlerimen bólisip, ǵasyrlardan syr shertetin qaqpa aldynda estelikke sýretke tústi.
