ەڭ باستىسى، ءوڭىر جۇرتشىلىعى تاتۋلىقتى تۋ ەتىپ، تەرەڭ باۋىرلاستىقتىڭ جارقىن ۇلگىسىن كورسەتىپ كەلەدى.
وسى باۋىرلاس ەلدىڭ جاستارى ءۇشىن 15 مامىر ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ باستاماسىمەن وتىرار اۋدانىنىڭ اكىم اپپاراتىنىڭ ۇيىمداستىرۋىمەن كيەلى وتىرار جەرىنىڭ تاريحي قۇندىلىقتارىمەن تانىسۋ كۇنى بولدى.
قاسيەتتى مەكەنگە تابان تىرەگەن وبلىسىمىزداعى ءتۇرلى ۇلت وكىلدەرى الدىمەن قاسيەتتى ارىستانباب كەسەنەسىنە، وتىرارتوبە جانە وتىرار مەملەكەتتىك ارحەولوگيالىق قورىق مۋزەيىنە ات باسىن تىرەدى.
ساياحاتتى بابتاردىڭ بابى ارىستانباب كەسەنىنە زيارات جاساۋدان باستاعان جاستار قاسيەتتى ولكەنىڭ تاريحي جادىگەرلەرىمەن،سىر شەرتەتىن قۇندىلىقتارىمەن جان-جاقتى تانىستى.
ەكسپەديسيا بارىسىندا وتىرار اۋدانىنىڭ تاريحىنا قانىققان جاستار العان اسەرلەرىمەن ءبولىسىپ، عاسىرلاردان سىر شەرتەتىن قاقپا الدىندا ەستەلىككە سۋرەتكە ءتۇستى.
