Dalanews.kz agenttigine jetken aqparatqa sáikes Túrkiiada boi tasalaǵan kúdikti 2014 jyly qurylys kompaniiasyna tisili 1 mlrd teńgeni zańsyz jolmen imdenip, shetelge qashqan.
Kúdikti úptep ketken qurylys kompaniiasy emhana salýǵa da mindettelgen. Soǵan qaraǵanda qolǵa túsken Qazaqstan azamaty memlekettiń qarjysyn talan-tarajǵa salýy múmkin dep joramaldaýǵa bolady.
Qazirgi tańda ol Astana qalasyndaǵy tergeý izoliatorynda sot aldynda jaýap beretin sátin kútýde.
Bas prokýratýranyń resmi ókili Darhan Dúisembai "mundai quqyq buzýshylyqqa barǵan adam 5 jyldan 10 jylǵa deiin bas bostandyǵynan aiyrylyp, dúnie-múlki tárkilenedi" dep kúdiktini qandai jaza kútip turǵanyn alǵa tartty.
Sońǵy ýaqyttary zań buzyp, memleket qarjysyn jymqyryp, Túrkiiaǵa qashqan qylmyskerlerdi Jańa Qazaqstan jelkelep elge jetkizýde.
Aitalyq, jyl basynda Qyrǵyzstan arqyly Túrkiiaǵa qashqan Serik Kúdebaev kóp uzamai tutqyndalyp, elge jetkizilgeni esimizde.
Endi mine, 1 mlrd teńgini qaltasyna basqan jemqordyń qolyna kisen salyndy.
Aldaǵy ýaqytta Túrkiiany panalaǵan Samat Ábish, Baýyrjan Baibek, Bekbolat Tileýhandarǵa da kezek kelýi múmkin.
Aitpaqshy, jelide Qazaqstan azamattaryn qajylyqqa aparatyn Kausar Travel týristik kompnaiianyń jetekshisi, qajylyqqa barý úshin 300-ge jýyq adamnyń 500 mln teńgeden astam qarjysyn Bekbolat Tileýhan alyp, keri qaitarmaǵany jaiyndaǵy taryla bastady.
Aldaǵy ýaqytta týristik kompaniianyń jetekshisi aitqandai halyqtyń qarjysyn qaltasyna basqan Bekbolat Tileýhandy quqyq qorǵaý organdary Túrkiiadan ustap, elge jetkizse tańqalýǵa bolmaidy.
Bas prokýratýra men Ishiki ister ministiliginiń Túrkiiadan 1 mlrd teńgeni qoldy qylǵan jemqordy elge jetkizgenin jariialap, al onyń kim ekeni jaiynda tis jarmaýynan túrik jerin panalaǵan Eski Qazaqstannyń ókilderine baǵyttalǵan messedj de bolýy múmkin.
Endi elden qashqan jemqor-jebirler men saiasi qashqyndarǵa Túrkiia pana bolmaidy. Aldaǵy ýaqytta Ábish, Baibek, Tileýhan bastaǵan Eski Qazaqstannyń qashqyndary Dýbaidy betke alýy múmkin.
Al Jańa Qazaqstan saiasi qashqyndardyń barar jer, basar taý qaldyrmaýǵa shyndap bekingen sekildi.
