Qazaqstanda «Nazarbaev» ordeniniń zańdaǵy erekshe mártebesi joiyldy

Qazaqstanda «Nazarbaev» ordeniniń zańdaǵy erekshe mártebesi joiyldy
primeminister.kz

Qazaqstanda «Nazarbaev» ordeniniń zańda jeke belgilengen erekshe mártebesi joiyldy. Prezident Qasym-Jomart Toqaev memlekettik nagradalar týraly zańǵa ózgerister engizetin qujatqa qol qoidy, dep habarlaidy dalanews.kz.

Engizilgen ózgeristerge sáikes, ordenniń erekshe quqyqtyq mártebesin bekitken zańnyń 12-1-baby tolyǵymen alynyp tastaldy. Buǵan deiin bul bapta nagradanyń quqyqtyq mártebesi men erekshelikteri jeke qarastyrylǵan.

Endi ordenniń sipattamasy zańnyń 13-3-babyna kóshirilip, basqa memlekettik nagradalarmen bir qatarda qarastyrylady.

Sonymen birge «Nazarbaev» ordeni memlekettik nagradalar tiziminen shyǵarylǵan joq. Iaǵni, ol memlekettik nagrada mártebesin saqtap qaldy, tek zańdaǵy erekshe quqyqtyq mártebesi joiyldy.