Dalanews.kz اگەنتتىگىنە جەتكەن اقپاراتقا سايكەس تۇركيادا بوي تاسالاعان كۇدىكتى 2014 جىلى قۇرىلىس كومپانياسىنا ءتيسىلى 1 ملرد تەڭگەنى زاڭسىز جولمەن يمدەنىپ، شەتەلگە قاشقان.
كۇدىكتى ۇپتەپ كەتكەن قۇرىلىس كومپانياسى ەمحانا سالۋعا دا مىندەتتەلگەن. سوعان قاراعاندا قولعا تۇسكەن قازاقستان ازاماتى مەملەكەتتىڭ قارجىسىن تالان-تاراجعا سالۋى مۇمكىن دەپ جورامالداۋعا بولادى.
قازىرگى تاڭدا ول استانا قالاسىنداعى تەرگەۋ يزولياتورىندا سوت الدىندا جاۋاپ بەرەتىن ءساتىن كۇتۋدە.
باس پروكۋراتۋرانىڭ رەسمي وكىلى دارحان دۇيسەمباي "مۇنداي قۇقىق بۇزۋشىلىققا بارعان ادام 5 جىلدان 10 جىلعا دەيىن باس بوستاندىعىنان ايىرىلىپ، دۇنيە-مۇلكى تاركىلەنەدى" دەپ كۇدىكتىنى قانداي جازا كۇتىپ تۇرعانىن العا تارتتى.
سوڭعى ۋاقىتتارى زاڭ بۇزىپ، مەملەكەت قارجىسىن جىمقىرىپ، تۇركياعا قاشقان قىلمىسكەرلەردى جاڭا قازاقستان جەلكەلەپ ەلگە جەتكىزۋدە.
ايتالىق، جىل باسىندا قىرعىزستان ارقىلى تۇركياعا قاشقان سەرىك كۇدەبايەۆ كوپ ۇزاماي تۇتقىندالىپ، ەلگە جەتكىزىلگەنى ەسىمىزدە.
ەندى مىنە، 1 ملرد تەڭگىنى قالتاسىنا باسقان جەمقوردىڭ قولىنا كىسەن سالىندى.
الداعى ۋاقىتتا تۇركيانى پانالاعان سامات ءابىش، باۋىرجان بايبەك، بەكبولات تىلەۋحاندارعا دا كەزەك كەلۋى مۇمكىن.
ايتپاقشى، جەلىدە قازاقستان ازاماتتارىن قاجىلىققا اپاراتىن Kausar Travel تۋريستىك كومپنايانىڭ جەتەكشىسى، قاجىلىققا بارۋ ءۇشىن 300-گە جۋىق ادامنىڭ 500 ملن تەڭگەدەن استام قارجىسىن بەكبولات تىلەۋحان الىپ، كەرى قايتارماعانى جايىنداعى تارىلا باستادى.
الداعى ۋاقىتتا تۋريستىك كومپانيانىڭ جەتەكشىسى ايتقانداي حالىقتىڭ قارجىسىن قالتاسىنا باسقان بەكبولات تىلەۋحاندى قۇقىق قورعاۋ ورگاندارى تۇركيادان ۇستاپ، ەلگە جەتكىزسە تاڭقالۋعا بولمايدى.
باس پروكۋراتۋرا مەن ىشىكى ىستەر مينيستىلىگىنىڭ تۇركيادان 1 ملرد تەڭگەنى قولدى قىلعان جەمقوردى ەلگە جەتكىزگەنىن جاريالاپ، ال ونىڭ كىم ەكەنى جايىندا ءتىس جارماۋىنان تۇرىك جەرىن پانالاعان ەسكى قازاقستاننىڭ وكىلدەرىنە باعىتتالعان مەسسەدج دە بولۋى مۇمكىن.
ەندى ەلدەن قاشقان جەمقور-جەبىرلەر مەن ساياسي قاشقىندارعا تۇركيا پانا بولمايدى. الداعى ۋاقىتتا ءابىش، بايبەك، تىلەۋحان باستاعان ەسكى قازاقستاننىڭ قاشقىندارى دۋبايدى بەتكە الۋى مۇمكىن.
ال جاڭا قازاقستان ساياسي قاشقىنداردىڭ بارار جەر، باسار تاۋ قالدىرماۋعا شىنداپ بەكىنگەن سەكىلدى.
