Túrkiiada "Bolashaq" baǵdarlamasy boiynsha Qazaqstannan 25 stýdent oqyp jatyr. Olardyń barlyǵy óz kýratorlarymen bailanysta, dep habarlaidy Dalanews.kz Ulysmedia.kz saityna silteme jasap.
"Halyqaralyq baǵdarlamalar ortalyǵy" AQ Túrkiia elinde qazir taǵylymdama baǵdarlamasy boiynsha bilim alyp jatqan 25 qazaqstandyq bar ekenin naqtylaidy.
"Barlyq bilim alýshylar qaýipsiz jerde ári kýratorlarymen jáne Qazaqstannyń diplomatiialyq ókildikterimen bailanysta. Olarǵa qajet bolǵan jaǵdaida kómek kórsetiledi. QR Syrtqy ister ministrligi el azamattaryna adamdar kóp jinalatyn oryndarǵa barýdan ýaqytsha bas tartýdy, saqtyq sharalaryn eskerýdi jáne jergilikti biliktiń usynymdaryn oryndaýdy suraidy", delingen habarlamada.
Keshe, 23 naýryzda Qazaqstannyń Túrkiiadaǵy elshiligi qazaqstandyqtardan narazylyq aktsiialaryna qatysýdan aýlaq bolýdy jáne adamdar kóp jinalatyn oryndarǵa barmaýdy surady. Sondai-aq "narazylyq týraly aqparat pen bolyp jatqan oqiǵalarǵa qatysty pikirlerdi áleýmettik jelilerde taratpaýǵa shaqyrdy.
Elshiliktiń bul málimdemesi áleýmettik jeli qoldanýshylary tarapynan qatty synǵa ushyrady.
Aita ketsek, Ystambul meri Ekrem Imamoǵlý men onyń BAQ-pen bailanysty keńesshisi Murat Ongýn 19 naýryzda arnaiy operatsiia barysynda ustalyp, sotqa jetkizildi. Is boiynsha sotqa barlyǵy 100 kúdikti tartylǵan. Osydan keiin el ishinde áleýmettik jelilerdiń jumysy shekteldi. Sonymen qatar, merdiń ustalýyna bailanysty Ystambulda 23 naýryzǵa deiin demonstratsiialar men mitingiler ótkizýge tyiym salyndy.
Negizi, aldaǵy jeksenbide Respýblikalyq halyq partiiasynyń sezinde Imamoǵlý 2028 jylǵy prezidenttik sailaýda oppozitsiia atynan túsetin kandidat retinde jariialanady dep kútilgen eken. Al prezidenttik sailaýdyń merziminen buryn, iaǵni 2027 jyldyń qarashasynda ótýi de múmkin ekendigi týraly da sybys bar.
Buǵan deiin saitymyzda "Tóńkeris bola jazdady". Qor naryǵy quldyrap, Túrkiia dúrbeleńge boi urýda" degen maqala jariialanǵan. Sondai-aq Túrkiianyń 15 millionǵa jýyq azamaty qamaýǵa alynǵan Ystambul meri Ekrem Imamoǵlýdy el prezidenttigine kandidat retinde usyndy.
