Prezident Qasym-Jomart Toqaev Amerika Qurama Shtattary men Iran Islam Respýblikasy qol jetkizgen kelisimdi quptady, dep habarlaidy dalanews.kz.
"Halyqaralyq ahýal kúrdeli qazirgi kezeńde aimaq jáne álemdik qoǵamdastyq úshin mundai kelisimniń mańyzy zor. Biz taraptardyń saiasi erik-jigerin joǵary baǵalaimyz. Bul ózara senimdi qalpyna keltirip, eki jaqqa da tiimdi sheshim qabyldaýǵa múmkindik berdi. Syn sátte batyl áreket etip, strategiialyq kóregendik tanytqan AQSh Prezidenti Donald Tramptyń kóshbasshylyǵyn erekshe atap ótemiz. Sonymen qatar Iran Islam Respýblikasy jetekshiliginiń konstrýktivti ustanymyn qýattaimyz. Qazaqstan osy beibit kelisimge qol qoiý Taiaý Shyǵysta jáne odan tysqary jerlerde beibitshilik pen turaqtylyqtyń berik negizin qalaitynyna senim artady", – dep jazdy Memleket basshysy X paraqshasynda.
