Túrkiiada túngi klýbqa baryp, kúzetshiden taiaq jegen qazaqstandyq qyzdar oqiǵanyń mán-jaiyn aitty dep habarlaidy Dalanews.kz.
Daý-damai qyzdardyń oryndy bosatýdan bas tartqannan keiin bastalǵan kórinedi. Klýbtyń kúzetshileri qyzdardy kúshtep shyǵarýǵa tyrysqan, sol kezde qyzdardyń biri Túrkiia azamatynyń saýsaǵyn qyrshyp alǵan.
Kúzetshiniń saýsaǵyn tistep alǵan otandasymyz qamaýǵa alyndy. "Saýsaǵym julyna jazdady" degen kúzetshi aýrýhanadan bir-aq shyǵypty.
Beinekamerada kúzetshilerdiń qyzdarǵa birneshe márte qol jumsaǵany anyq kórinedi. Qazirgi ýaqytta beinejazba tekserilip, tergeý júrgizilýde.
Kúzetshiden taiaq jegen Stambýldaǵy sulýlyq salonynda isteitin Ulbosyn Malǵajarovanyń qurbysy klýbqa jai ǵana kóńil kóterýge barǵanyn aitady.
"Kúzetshiler politsiiaǵa jalǵan málimet berdi. Men ájethanaǵa ketkende, olar meniń qurbyma qol kótergen. Olardy ajyratýǵa tyrysqan meni de tepkiniń astyna aldy", – deidi ol.
[video width="426" height="240" mp4="https://dalanews.kz/wp-content/uploads/2021/07/217102864_880508695884382_516386230739138906_n.mp4"][/video]
Qyzdardyń aitýynsha, túngi klýbtyń qaraýyldary olardy jezókshe dep oilap, telefonyn suraǵan.
"Nómir berýden bas tarttyq. Bizge qoqan-loqy kórsetkennen keiin, tártip saqshylaryn shaqyratynymdy aityp, eskertý jasadym. Sol kezde meni ura bastady. Bireýi Ulbosynnyń shashynan ustap aldy. Al ekinshisi onyń aýzyn ashýǵa tyrysty. Qurbym onyń qolyn tistep aldy", – deidi qyzdardyń biri.
Bul jaiynda Túrkiianyń Milliyet basylymy da video jariialaǵan eken.
https://youtu.be/STKBpuLE4u4
Derekkózdiń málimeti de jábir kórgen qyzdardyń nusqasyna sai keledi.
Qazaqstannyń Túrkiiadaǵy Tótenshe jáne ókiletti elshisi Abzal Saparbekulynyń aitýynsha, bul máselemen Qazaqstannyń Stambuldaǵy Bas konsýldyǵy ainalysyp jatyr.
«Bizge azamattarymyzdan shaǵym túspese de, jábir kórgen qyzdarymyzdy izdep taptyq. Qamaýdaǵy azamatsha boiynsha konsýldyq kómek kórsetilýde. Stambul qalasy ishki ister basqarmasy basshysymen jáne oqiǵa bolǵan aýdandyq ishki ister basshysymen máseleniń ádil qarastyrylýy boiynsha talap jetkizildi. Azamattarymyzdyń quqyǵyn qorǵaý jumystary júrgizilýde», – dep jazdy Túrkiiadaǵy Tótenshe jáne ókiletti elshisi Abzal Saparbekuly Facebook-taǵy paraqshasynda.
