Jiyn barsynda sóz sóilegen Qazaqstannyń Túrkiiadaǵy elshisi Erkbulan Sapiev taiaýda ǵana Prezident Qasym-Jomart Toqaevtyń Túrkiiaǵa jasaǵan jumys sapary eki el arasyndaǵy bailanysty bekemdep, jańa kezeńge shyǵarǵanyn alǵa tartty.
Óz keziginde elshi «Biz eń alǵash táýelsizdigimizge ie bolǵanda, Qazaqstandy Táýelsiz el retinde birinshi bolyp Túrkiia tanyǵan bolatyn. Bizder túrik aǵaiyndardyń sol kezdegi qoldaýyn eshqashan umytpaimyz» dedi.
Jiyn barysynda elshi Memleket basshysy Qasym-Jomart Toqaevtyń Túrkiiaǵa jasaǵan jumys sapary kezinde quny 1,4 mlrd dollarǵa baǵalanǵan kelsim-sharttarǵa qol qoiylǵanyn tilge tiek etti.
– Búginde Túrkiia Qazaqstanǵa investitsiia quiyp otyrǵan top 5 eldiń qatarynda. Sońǵy jyldary Túrkiiadan Qazaqstanǵa baǵyttalǵan tikelei investitsiianyń kólemi jyl ótken saiyn artyp keledi. Aitalyq, 2019 jyly Túrkiianyń Qazaqstan ekonomikasyna salǵan investitsiiasy 358 mln dollar bolsa, 2020 jyly ol 363 mln dollarǵa ósti. Al 2021 jyly túrik investitsiiasynyń kólemi 680 mln dollarǵa joǵarlady, – dedi elshi Erkebulan Sapiev.
