جيىن بارسىندا سٶز سٶيلەگەن قازاقستاننىڭ تٷركيياداعى ەلشٸسٸ ەركبۇلان ساپيەۆ تاياۋدا عانا پرەزيدەنت قاسىم-جومارت توقاەۆتىڭ تٷركيياعا جاساعان جۇمىس ساپارى ەكٸ ەل اراسىنداعى بايلانىستى بەكەمدەپ, جاڭا كەزەڭگە شىعارعانىن العا تارتتى.
ٶز كەزٸگٸندە ەلشٸ «بٸز ەڭ العاش تەۋەلسٸزدٸگٸمٸزگە يە بولعاندا, قازاقستاندى تەۋەلسٸز ەل رەتٸندە بٸرٸنشٸ بولىپ تٷركييا تانىعان بولاتىن. بٸزدەر تٷرٸك اعايىنداردىڭ سول كەزدەگٸ قولداۋىن ەشقاشان ۇمىتپايمىز» دەدٸ.
جيىن بارىسىندا ەلشٸ مەملەكەت باسشىسى قاسىم-جومارت توقاەۆتىڭ تٷركيياعا جاساعان جۇمىس ساپارى كەزٸندە قۇنى 1,4 ملرد دوللارعا باعالانعان كەلسٸم-شارتتارعا قول قويىلعانىن تٸلگە تيەك ەتتٸ.
– بٷگٸندە تٷركييا قازاقستانعا ينۆەستيتسييا قۇيىپ وتىرعان توپ 5 ەلدٸڭ قاتارىندا. سوڭعى جىلدارى تٷركييادان قازاقستانعا باعىتتالعان تٸكەلەي ينۆەستيتسييانىڭ كٶلەمٸ جىل ٶتكەن سايىن ارتىپ كەلەدٸ. ايتالىق, 2019 جىلى تٷركييانىڭ قازاقستان ەكونوميكاسىنا سالعان ينۆەستيتسيياسى 358 ملن دوللار بولسا, 2020 جىلى ول 363 ملن دوللارعا ٶستٸ. ال 2021 جىلى تٷرٸك ينۆەستيتسيياسىنىڭ كٶلەمٸ 680 ملن دوللارعا جوعارلادى, – دەدٸ ەلشٸ ەركەبۇلان ساپيەۆ.
